ଆମେରିକାରେ ଅନଶନରେ ବସିଥିବା ଭାରତୀୟଙ୍କ ଉପରେ ଅତ୍ୟାଚାର : ନାକରେ ନଳୀ ପୁରାଇ ବଳପୂର୍ବକ ଖୁଆଇଲେ ଖାଦ୍ୟ
ଆମେରିକାରେ ପ୍ରବାସୀ ଅଧିକାରୀ, ଅନଶନରେ ବସିଥିବା କେତେକ ଭାରତୀୟଙ୍କ ସମେତ ସର୍ବନିମ୍ନ ୬ ଜଣ ପ୍ରବାସୀ ବନ୍ଦୀଙ୍କ ନାକରେ ବଳପୂର୍ବକ ନଳୀ ପୁରାଇ ଖୁଆଇଛନ୍ତି । ଟେକ୍ସାସରେ କେନ୍ଦ୍ରର ପରିସ୍ଥିତିର ବିରୋଧରେ ଏହି ବନ୍ଦୀମାନେ ଅନଶନରେ ବସିଥିଲେ । ଭାରତୀୟ-ଆମେରିକୀୟ ସମୁହ ଏହାକୁ ମାନବାଧିକାରର ଉଲ୍ଲଘଂନ କହିଛନ୍ତି । ପ୍ରବାସୀ ଓ ସୀମା ଶୁଳ୍କ ପ୍ରବର୍ତ୍ତନ ଏକ ବୟାନରେ କହିଛନ୍ତି କି, ଏଲ ପାସୋରେ ୧୧ ବନ୍ଦୀ ଖାଇବାକୁ ମନା କରିଦେଇଥିଲେ ଏବଂ ସାରା ଦେଶର ବିଭିନ୍ନ ଆଇସିଇ ନଜରବନ୍ଦୀ କେନ୍ଦ୍ରରେ ୪ ଅନ୍ୟ ଲୋକ ମଧ୍ୟ ଅନଶନରେ ଧର୍ମଘଟ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏଲ ପାସୋରେ ଅନଶନ କରୁଥିବା ୧୧ଜଣଙ୍କ ମଧ୍ୟରୁ ୬ଜଣ ଲୋକଙ୍କୁ ଜାନୁୟାରୀ ମଧ୍ୟରେ ଏକ ସଂଘୀୟ ନ୍ୟାୟାଧୀଶଙ୍କ ଆଦେଶ ଅଧିନରେ ବଳପୂର୍ବକ ଖୁଆଇଲେ । ଯେଉଁ ଲୋକଙ୍କୁ ଖାଦ୍ୟ ଖୁଆଗଲା, ସେମାନେ ପାଖାପାଖି ୨ସପ୍ତାହ ଧରି ଅନଶନରେ ଥିଲେ ।
ଟେକ୍ସାସର ଦୁଇ ବନ୍ଦୀଙ୍କ ଓକିଲ ରୁବି କୌରଙ୍କ କହିବାନୁସାରେ, ତାଙ୍କ କ୍ଲାଇଣ୍ଟ ଭାରତୀୟ ପ୍ରବାସୀ, ଯିଏ ପାଖାପାଖି ୬ମାସ ପୂର୍ବରୁ ଦକ୍ଷିଣ ସୀମାରୁ ଆମେରିକାକୁ ଆସିଥିଲେ । ତାଙ୍କ ନାକରେ ନଳୀ ପୂରାଇ ତରଳ ପଦାର୍ଥ ଦିଆଯାଇଛି । ଏହା ବହୁତ କଷ୍ଟଦାୟକ ଓ ତାଙ୍କ ଇଚ୍ଛା ବିରୋଧ, ବୋଲି କୌର କହିଛନ୍ତି । ଆଇସିଇର ପ୍ରବକ୍ତା ଏହି ଅଭିଯୋଗ ଉପରେ ସିଧା ପ୍ରତିକ୍ରିୟା ଦେଇନାହାଁନ୍ତି ।