ଆବେଦନ କରିବା ମାତ୍ରେ ଏଣିକି ଆଉ ମିଳିବନି ନୂଆ ସିମ୍ କାର୍ଡ ! ଅନେକ ଦିନ ଧରି କରିବାକୁ ହେବ ଅପେକ୍ଷା ।
ନିକଟରେ ସୁପ୍ରିମକୋର୍ଟ ନିଷ୍ପତ୍ତି ଶୁଣାଇଛନ୍ତି ଯେ, ମୋବାଇଲ ନମ୍ବର କିମ୍ବା ନୂଆ ସିମ୍ କାର୍ଡ ନେବା ପାଇଁ ଏଣିକି ଆଉ ଆଧାରକାର୍ଡର ଆବଶ୍ୟକତା ରହିବ ନାହିଁ । ଅର୍ଥାତ ଆପଣ ଅନ୍ୟ କୌଣସି ଡକ୍ୟୁମେଣ୍ଟ ଜରିଆରେ ନୂଆ ମୋବାଇଲ୍ ନମ୍ବର ନେଇପାରିବେ । କିନ୍ତୁ ଏଣିକି ମୋବାଇଲ୍ ନମ୍ବର ନେବା ଏତେ ସହଜ ହେବ ନାହିଁ । ଏବଂ ଆପଣଙ୍କୁ ନୂଆ ସିମ୍ ନେବା ପାଇଁ ଅନେକ ସମୟ ମଧ୍ୟ ଲାଗିବ । ତେବେ ଜାଣନ୍ତୁ ନୂଆ ସିମ୍ ନେବା ସମୟରେ ଆପଣଙ୍କୁ କେଉଁ କେଉଁ ସମସ୍ୟାର ସମ୍ମୁଖୀନ ହେବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟର ନିଷ୍ପତ୍ତି ପରେ ଏବେ ଟେଲିକମ୍ କମ୍ପାନୀ ଗୁଡିକ କଷ୍ଟମର୍ସଙ୍କ ଠାରୁ କେୱାଇସି ଭେରିଫିକେସନ୍ ପାଇଁ ଆଧାର କାର୍ଡ ନେଇପାରିବେ ନାହିଁ । ଆଉ ଏଥିପାଇଁ ନୂଆ ସିମ୍ ନେବାକୁ ହେଲେ ଆପଣଙ୍କୁ ଲମ୍ବା ସମୟ ପାଇଁ ଅପେକ୍ଷା କରିବାକୁ ହେବ । ପୂର୍ବରୁ ଯେଉଁଠି ଆଧାର ଜରିଆରେ ଆପଣ ମାତ୍ର ୩୦ ମିନିଟରେ ନୂଆ ସିମ୍ ପାଇପାରୁଥିଲେ ଏବେ ସେଥିପାଇଁ ଆପଣଙ୍କୁ ୫ ରୁ ୬ ଦିନ ସମୟ ଲାଗିବ ।
ଆଧାରକାର୍ଡର ଆବଶ୍ୟକତା ଶେଷ ହେବା ପରେ ଟେଲିକମ୍ କମ୍ପାନୀ ଗୁଡିକୁ ୨୪ ରୁ ୩୬ ଘଣ୍ଟା ମଧ୍ୟରେ ଫିଜିକାଲ୍ ଭେରିଫିକେସନ୍ କରିବାକୁ ହେବ । ଯେକୌଣସି ଲୋକ ନୂଆ ସିମ୍ ପାଇଁ ଆବେଦନ କଲେ, ସେହି ଗ୍ରାହକଙ୍କ ଠିକଣାକୁ ଯାଇ ଆବେଦନ ପତ୍ର ନେବା ପାଇଁ ହେବ । ସେଥିରେ ଗ୍ରାହକଙ୍କର ଦସ୍ତଖତ ନେବା ପାଇଁ ହେବ । ଏହା ପରେ ଡକ୍ୟୁମେଣ୍ଟ ଗୁଡିକୁ ଭେରିଫିକେସନ୍ ସେଣ୍ଟରକୁ ପଠାଯିବ । ଏହା ପରେ ନମ୍ବର ଚାଲୁ ହୋଇପାରେ ।