ଛାଡ଼ପତ୍ରକୁ ନେଇ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ ! ଏଣିକି ୬ମାସ ନୁହେଁ ସପ୍ତାହକ ମଧ୍ୟରେ ନେଇପାରିବେ ଡିଭୋର୍ସ
କନକ ବ୍ୟୁରୋ: ଏଥର ୬ମାସ ନୁହେଁ ସପ୍ତାହରେ ନେଇପାରିବେ ଛାଡ଼ପତ୍ର । ମଙ୍ଗଳବାର କିଛି ଏଭଳି ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି ସୁପ୍ରିମକୋର୍ଟ । ହିନ୍ଦୁ ବିବାହିତ ଦମ୍ପତିଙ୍କୁ ଅଲଗା ହେବା ପାଇଁ ୬ମାସ ଅପେକ୍ଷା କରିବାକୁ ପଡିବନି । ବୈବାହିକ ନିୟମ ଅନୁସାରେ, ଗୋଟିଏ ସପ୍ତାହ ମଧ୍ୟରେ ଛାଡ଼ପତ୍ର ନେଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ଦମ୍ପତିଙ୍କ ମଧ୍ୟରେ ଛାଡ଼ପତ୍ର ପାଇଁ ଆପୋଷ ବୁଝାମଣା ହୋଇଥିଲେ ହିନ୍ଦୁ ବିବାହ ଆଇନରେ ଥିବା ୬ମାସର ପ୍ରତିକ୍ଷା ସମୟ ବାଧ୍ୟତାମୂଳକ ହେବନାହିଁ ବୋଲି ସୁପ୍ରିମକୋର୍ଟ କହିଛନ୍ତି । ହିନ୍ଦୁ ବିବାହ ଆଇନରେ ଛାଡ଼ପତ୍ର ପାଇଁ ଆବେଦନ ହେବାପରେ ବୁଝାବଣା ହେବାର ସମ୍ଭାବନାକୁ ଆଖି ଆଗରେ ରଖି କୋର୍ଟ ୬ମାସ ସମୟ ପ୍ରଦାନ କରିଥାନ୍ତି ।
ଏହି ଅବଧି ମଧ୍ୟରେ ଦମ୍ପତିଙ୍କୁ ଏକାଠି କରିବାକୁ ମଧ୍ୟସ୍ଥତା ଓ ସମାଧାନ ପ୍ରକ୍ରିୟା ଆରମ୍ଭ ହୋଇଥାଏ । ତେବେ ପୂର୍ବରୁ ଏହି ଉଦ୍ୟମ ବିଫଳ ହୋଇଥିଲେ ଅଥବା ପତିପତ୍ନୀ ବର୍ଷେ ହେଲା ପୃଥକ ରହୁଥିଲେ ଧାରା ୧୩ବି (୨) ଅନୁଯାୟୀ କୁଲିଙ୍ଗ ପିରିୟଡ ବାଧ୍ୟତାମୂଳକ ହେବନାହିଁ । ବିବାହକୁ ଯେକୌଣସି ସମୟରେ ରଦ୍ଦ କରାଯାଇପାରିବ ବୋଲି ଜଷ୍ଟିସ ଆଦର୍ଶ ଗୋଏଲ ଓ ଜଷ୍ଟିସ ୟୁୟୁ ଲଲିତଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ।