ଛାତ୍ରଛାତ୍ରୀଙ୍କ ପାଇଁ ଖୁସି ଖବର ! ଏଣିକି ପିଏଚଡି ଓ ଏମଫିଲରେ ଆଡମିସନ ପାଇଁ ଆଉ ଦେବାକୁ ପଡିବନି ସାକ୍ଷାତକାର ।
ୟୁନିଭରସିଟି ଗ୍ରାଣ୍ଟ କମିସନ୍ (ୟୁଜିସି) ନୂଆ ନିୟମ ଜାରି କରିଛି। ନୂଆ ନିୟମ ଲାଗୁ ହେବା ପରେ ଛାତ୍ରଛାତ୍ରୀମାନଙ୍କୁ ପିଏଚଡି ଓ ଏମଫିଲରେ ନାମଲେଖାଇବା ପାଇଁ ସାକ୍ଷାତକାର ଦେବାକୁ ପଡ଼ିବ ନାହିଁ। ପୂର୍ବରୁ ପିଏଚଡି ଓ ଏମଫିଲ୍ କୋର୍ସ ପାଇଁ ଲିଖିତ ପରୀକ୍ଷା ଓ ସାକ୍ଷାତକାରରେ ପାସ କରିବା ପରେ ନାମ ଲେଖାଇବାକୁ ସୁଯୋଗ ମିଳୁଥିଲା। କିନ୍ତୁ ୟୁଜିସି ଏହି ନିୟମରେ ପରିବର୍ତ୍ତନ ଆଣିଛି।
Kanak News is now on WhatsApp
Join and get latest news updates delivered to you via WhatsApp
ବର୍ଷ ୨୦୧୬ରେ ୟୁଜିସିର ନିୟମ ଅନୁସାରେ ପିଏଚଡି ଅଥବା ଏମଫିଲରେ ନାମଲେଖାଇବା ପାଇଁ ୭୦ ପ୍ରତିଶତ ଅଙ୍କ ଲିଖିତ ପରୀକ୍ଷା ଓ ୩୦ ପ୍ରତିଶତ ଅଙ୍କ ସାକ୍ଷାତକାରରୁ ନିଆଯାଉଥିଲା। କିନ୍ତୁ ଏଣିକି ଆଉ ଏହି ସାକ୍ଷାତକାର ହେବ ନାହିଁ। ସାକ୍ଷାତକାରକୁ ବାହାର କରି ଦିଆଯିବା ପରେ ନାମଲେଖା ପ୍ରକ୍ରିୟା ଲିଖିତ ପରୀକ୍ଷା ଆଧାରରେ ହେବ।
ୟୁଜିସି ଅନୁସୂଚିତ ଜାତି/ଅନୁସୂଚିତ ଜନଜାତି/ଅନ୍ୟାନ୍ୟ ପଛୁଆ ବର୍ଗର ଛାତ୍ରଛାତ୍ରୀଙ୍କ ପାଇଁ ୫ ପ୍ରତିଶତ ମାର୍କ ରିହାତି ଦେଇଛି। ଏଥି ସହିତ ପିଏଚଡି ଓ ଏମଫିଲ୍ ବିଷୟରେ ନାମ ଲେଖାଇବାକୁ ହେଲେ ସାଧାରଣ ବର୍ଗର ଛାତ୍ରଛାତ୍ରୀଙ୍କୁ ୫୦ ପ୍ରତିଶତ ନମ୍ବର ଆଣିବାକୁ ପଡ଼ିବ।