ବିହାରରେ ବନ୍ୟା ସ୍ଥିତି ଗମ୍ଭୀର ! ୨୪ ଘଣ୍ଟାରେ ଗଲାଣି ୪୯ ଜୀବନ, ମୋଟ ୨୫୩ ମୃତ
କନକ ବ୍ୟୁରୋ : ବନ୍ୟା ସାଜିଛି ବିହାରବାସୀଙ୍କ ପାଇଁ ମୃତ୍ୟୁର ଦୂତ । ଗୋଟିଏ ପରେ ଗୋଟିଏ ଜୀବନ ନେଉଛି ଭୟଙ୍କର ବନ୍ୟା । ମାତ୍ର ୨୪ ଘଂଟା ଭିତରେ ୪୯ଜଣଙ୍କର ଜୀବନ ଯିବା ପରେ ବନ୍ୟାରେ ମୃତ୍ୟୁ ସଂଖ୍ୟା ୨୫୩ ଛୁଇଁଛି । ବିହାରର ଆରାରିଆ ଜିଲ୍ଲାରେ ସର୍ବାଧିକ ୫୭ଜଣ ଲୋକ ମୃତ୍ୟୁବରଣ କରିଥିବାବେଳେ ଏହା ପଛକୁ ସୀତାମାଢ଼ିରେ ୩୧ ଜଣ ଓ ଚମ୍ପାରନରେ ୨୯ଜଣଙ୍କର ଜୀବନ ଯାଇଛି । ବନ୍ୟାରେ ସାଧାରଣ ଲୋକଙ୍କ ଜୀବନ ଏକପ୍ରକାର ଦୁଃବିସହ ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ହୋଇଥିବା ବନ୍ୟା ଯୋଗୁଁ ୧୮ଟି ଜିଲ୍ଲାରେ ପ୍ରାୟ ୪.୨୧ଲକ୍ଷ ଲୋକ ଘରଦ୍ୱାର ଛାଡି ୧୩୫୮ଟି ବନ୍ୟା ଶିବିରରେ ଆଶ୍ରୟ ନେଇଛନ୍ତି । ୨୮ଟି ଏନଡିଆରଏଫ୍ ଟିମକୁ ଉଦ୍ଧାର କାର୍ୟ୍ୟରେ ନିୟୋଜିତ କରାଯାଇଛି । ୧୧୮ଟି ବୋଟ୍ ସହାୟତାରେ ଜଳଘେରରେ ଫଶି ରହିଥିବା ଲୋକଙ୍କ ନିରାପଦ ସ୍ଥାନକୁ ନିଆଯାଉଛି । ନେପାଳରେ ପ୍ରବଳ ବର୍ଷା ଯୋଗୁଁ ଏହି ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ଦିନକୁ ଦିନ ଏହା ଭୟଙ୍କର ରୂପ ଧାରଣ କରୁଛି ।