ପୁଣି ଚିଲିକାରେ ଅଘଟଣରୁ ଅଳ୍ପକେ ବର୍ତ୍ତିଗଲେ ଯାତ୍ରୀ! ମଝି ଚିଲିକାରେ ୧୫ ମିନିଟ ଧରି ଫସି ରହିଲା ଭସା ପୋଲ, ଅନ୍ୟ ଏକ ଭସାପୋଲ ସହାୟତାରେ ଯାତ୍ରୀଙ୍କ ସହ ଉଦ୍ଧାର ହେଲା ବସ ଓ ଚାରିଚକିଆ ଯାନ ।
କନକ ବ୍ୟୁରୋ: ଚିଲିକା ମଝିରେ ଅଟକି ଗଲା ଭସାପୋଲ । ବସ ଓ କାର ସହ ପ୍ରାୟ ଶହରୁ ଅଧିକ ଯାତ୍ରୀଙ୍କୁ ନେଇ ଯାଉଥିବା ଭସାପୋଲଟି ଚିଲିକା ମଝି ମହିଷା ଠାରେ ଅଟକି ଯାଇଥିଲା । ୧୫ ମିନିଟ୍ ଧରି ଭସାପୋଲ ଆଗକୁ ଯାଇ ଅଟକି ଯାଇଥିଲା । ଫଳରେ ଲୋକେ ଭୟଭୀତ ହୋଇଯାଥିଲେ । ସୂଚନା ମୁତାବକ, ଅତ୍ୟଧିକ ପବନ ଓ ବଡ ବଡ ଜୁଆର ଯୋଗୁଁ ଭସାପୋଲଟି ଚ୍ୟାନେଲରୁ ବାହାରି ଯାଇଥିଲା । ତେଣୁ ପୋଲଟି ପାଣି ମଝିରେ ଅଟକି ଯାଇଥିଲା । ପରେ ଅନ୍ୟ ଭସାପୋଲ ସାହାଯ୍ୟରେ ସବୁ ଯାତ୍ରୀ ଓ ଗାଡି ଗୁଡିକୁ ଉଦ୍ଧାର କରାଯାଇଛି । ଯାତ୍ରୀଙ୍କୁ ନେଇ ଜହ୍ନିକୁଦରୁ ସାତପଡା ଯାଉଥିବା ଭସା ପୋଲ ।
Kanak News is now on WhatsApp
Join and get latest news updates delivered to you via WhatsApp
ତେବେ ନିକଟରେ ଚିଲିକାରେ ଭାରସାମ୍ୟ ହରାଇ ଡଙ୍ଗା ବୁଡ଼ିଯାଇଥିଲା। କାଳିଜାଇ ପୀଠରୁ ବଡକୂଳ ଫେରୁଥିବା ବେଳେ ଡଙ୍ଗା ବୁଡିଗଲା । ଡଙ୍ଗା ବୁଡି ୧୮ ନିଖୋଜ ଥିବାବେଳେ ସମସ୍ତଙ୍କୁ ଉଦ୍ଧାର କରାଯାଇଥିଲା । ହେଲେ ଏହାପରେ କାହିଁକି ଚେତୁ ନାହାନ୍ତି ପ୍ରଶାସନ ଏବଂ ଚିଲିକା କର୍ତ୍ତୁପକ୍ଷ? କ’ଣ ପାଇଁ ବାରମ୍ବାର ଦୁର୍ଘଟଣା ଘଟିବା ପରେ ମଧ୍ୟ ନିଦରେ ଶୋଇଛନ୍ତି ତାହା ଏବେ ସବୁଠୁ ବଡ଼ ପ୍ରଶ୍ନବାଚୀ!