ଉତ୍କଳମଣି ଗୋପବନ୍ଧୁ ଦାସଙ୍କ ଜନ୍ମପୀଠରେ ‘ଫାଇଭ-ଟି’ ସଚିବ । ସୁଆଣ୍ଡୋ ଗାଁର ବିକାଶ ନେଇ ଭି.କେ ପାଣ୍ଡିଆନଙ୍କ ଚର୍ଚ୍ଚା, ପୁରୀ ପ୍ରଶାସନ ସହ କଲେ ଆଲୋଚନା
କନକ ବ୍ୟୁରୋ: ପୁରୀ ଓ ଲିଙ୍ଗରାଜ ଭଳି ଉତ୍କଳମଣି ଗୋପବନ୍ଧୁ ଦାସଙ୍କ ଜନ୍ମସ୍ଥାନର ହେବ କି ବିକାଶ । ଫାଇଭ-ଟି ସଚିବ ଭି.କେ ପାଣ୍ଡିଆନଙ୍କ ଅଚାନକ୍ ସୁଆଣ୍ଡୋ ଗସ୍ତ ପରେ ଏମିତି କିଛି ଚର୍ଚ୍ଚା ହେଉଛି । ଆଜି ପାଣ୍ଡିଆନ୍ ହଠାତ୍ ପୁରୀ ଜିଲ୍ଲାର ସତ୍ୟବାସୀ ସୁଆଣ୍ଡୋ ଗାଁରେ ପହଂଚି ଗୋପବନ୍ଧୁଙ୍କ ଜନ୍ମସ୍ଥାନ ବୁଲି ଦେଖିଛନ୍ତି । ଏହାସହ ସେ ଉତ୍କଳମଣିଙ୍କ ଷଷ୍ଠୀ ଘରର ଅନୁଧ୍ୟାନ କରିଛନ୍ତି ଫାଇଭ-ଟି ସଚିବ ପଣ୍ଡିଆନ୍ ଓ ପୁରୀ ଜିଲ୍ଲାପାଳ । ଅନେକ ସମୟରେ ସୁଆଣ୍ଡୋର ବିକାଶ ନେଇ ଦାବୀ ହୋଇଆସୁଥିବା ବେଳେ ପାଣ୍ଡିଆନଙ୍କ ଅଚାନକ ଗସ୍ତ, ବିକାଶର ବାଟ ଖୋଲିଲା ବୋଲି ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା କି, ଓଡ଼ିଶାର ପ୍ରମୁଖ ଐତିହ୍ୟ ସ୍ଥଳୀ ଏବଂ ପର୍ଯ୍ୟଟନ କ୍ଷେତ୍ରକୁ କିଭଳି ବିକାଶ କରାଯାଇ ଏହାକୁ ବିଶ୍ୱସ୍ତରୀୟ କରାଯିବ ସେନେଇ ଏବେ ରାଜ୍ୟ ସରକାର ତତ୍ପର ହେଉଥିବା ଦେଖିବାକୁ ମିଳିଛି । ଏପରିକି ମେଡିକାଲ୍ ହେଉ କିମ୍ବା ମନ୍ଦିର, ବିଭିନ୍ନ ସ୍ଥାନକୁ ଖୋଦ୍ ଫାଇଭ-ଟି ସଚିବ ଭି.କେ ପାଣ୍ଡିଆନ୍ ଅଚାନକ ଗସ୍ତ କରି ସ୍ଥିତି ପରଖୁଛନ୍ତି । ଏହାପରେ ସେଠାକାର କେଉଁ କେଉଁ ଦିଗକୁ ଗୁରୁତ୍ୱ ଦେଲେ ତାହାର ଉନ୍ନତି ହୋଇପାରିବ ତାହାକୁ ନେଇ ସମୀକ୍ଷା କରୁଛନ୍ତି । ସମୀକ୍ଷା, ତର୍ଜମା ପରେ ପରେ ଆରମ୍ଭ ହେଉଛି ଉନ୍ନତିକରଣ ।