ରାହୁଲଙ୍କ ପୂଜାର୍ଚ୍ଚନାରେ ସନ୍ତୁଷ୍ଟ ହେଲେ ଭଗବାନ ! ଗତକାଲିର ଫଳାଫଳକୁ ନେଇ ଜୋର ଧରିଛି ଏପରି ଚର୍ଚ୍ଚା
ରାହୁଲଙ୍କ ପୂଜାର୍ଚ୍ଚନାରେ ସନ୍ତୁଷ୍ଟ ହେଲେ ଭଗବାନ
କନକ ବ୍ୟୁରୋ : ଗତକାଲି ୫ ରାଜ୍ୟରେ ପ୍ରକାଶ ପାଇଥିବା ନିର୍ବାଚନ ଫଳାଫଳ କେବଲ ରାହୁଲ ଗାନ୍ଧୀଙ୍କ ପୂଜାର୍ଚ୍ଚନା ପାଇଁ ସଫଳ ହୋଇଛି ! ଏହା ଏଥିପାଇଁ କୁହାଯାଉଛି ଯେ, ରାହୁଲ ଗାନ୍ଧୀ ସେହି ୫ ରାଜ୍ୟର ବିଧାନସଭା ନିର୍ବାଚନ ପ୍ରଚାର ସମୟରେ ଅନେକ ମନ୍ଦିର ଯାଇ ପୂଜାର୍ଚ୍ଚନା କରିଥିଲେ। ତେଣୁ ଭଗବାନଙ୍କ ପୂଜାର୍ଚ୍ଚନା କରିବା ପରେ କଂଗ୍ରେସ ଦଳ ଏପରି ଭାବରେ ବିଜୟର ସ୍ୱାଦ ଚାଖିଲା ବୋଲି ଏବେ ପ୍ରଚାର ହେଉଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଚଳିତ ଥର ମୋଦି ସରକାରଙ୍କ ବିରୋଧରେ ଥିବା ଚାଷୀ ଆନ୍ଦୋଳନକୁ ନିଜ ନିର୍ବାଚନ ଜିତିବା ପାଇଁ ବ୍ୟବହାର କଲା । ଏହାସହ ରାହୁଲ ଗାନ୍ଧୀ ବିଭିନ୍ନ ହିନ୍ଦୁ ମନ୍ଦିର ଯାଇ ପୂଜାର୍ଚ୍ଚନା କରିବା କାରଣରୁ ଏପରି ଫଳ ମିଳିଛି ବୋଲି କେତେ ନେତା ମଧ୍ୟ କହିଛନ୍ତି । ନିର୍ବାଚନ ପ୍ରଚାର ଆରମ୍ଭରୁ ଶେଷ ପର୍ଯ୍ୟନ୍ତ ସମସ୍ତ ରାହୁଲ ଦଳୀୟ ଇସ୍ତାହାର ସହ ବିଭିନ୍ନ ପ୍ରକାର ବିଷୟରେ ଲୋକମାନଙ୍କ ମନ ଜିତିବା ପାଇଁ ଚେଷ୍ଟା କରିଥିଲେ । କେଦାରନାଥ ମନ୍ଦିରଠାରୁ ଆରମ୍ଭ କରି ବିଶ୍ୱକର୍ମା ମନ୍ଦିର ପର୍ଯ୍ୟନ୍ତ ବିଭିନ୍ନ ଧର୍ମସ୍ଥାନକୁ ଯାଇ ଭଗବାନଙ୍କ ଆଶୀର୍ବାଦ ନେଇଥିଲେ । କେବଳ ଏତିକି ନୁହେଁ ସବୁଠାରୁ କଷ୍ଟ ଯାତ୍ରା କୁହାଯାଉଥିବା ମାନସୋରବର ଯାତ୍ରା ମଧ୍ୟ ଶ୍ରୀ ଗାନ୍ଧୀ ସମାପନ କରିଥିଲେ । ଏଥି କରିବା ପରେ ରାହୁଲଙ୍କୁ ଶିବ ଭକ୍ତ ବୋଲି କେହି କେହି କହିବାକୁ ଲାଗିଲେ ।
ଋାହୁଲ ଗାନ୍ଧୀ ନିଜ ଗୋତ୍ର କହିବା ପରେ ନ ବିବାଦ ଆହୁରି ତେଜିବାରେ ଲାଗିଥିଲା । ତେବେ ଅନେକ ସମୟରେ ବିରୋଧୀମାନେ ରାହୁଲଙ୍କ ଗୋତ୍ରକୁ ନେଇ ହଙ୍ଗାମା କରୁଥିବା ସମୟରେ ନିଜ ଗୋତ୍ର ସମ୍ପର୍କରେ ନିଜେ ରାହୁଲ ଏକ ମନ୍ଦିରରେ ସୂଚନା ଦେଇଥିଲେ । କହିଥିଲେ ସେ ବ୍ରାହ୍ଣଣ ବୋଲି । ତେବେ ନିର୍ବାଚନ ପାଇଁ ବିଜେପି ମଧ୍ୟ ପ୍ରଚାର ଜୋରସୋରରେ କରିଥିଲା । ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ମଧ୍ୟ ପ୍ରଚାର ଜୋରସୋରରେ କରିଥିଲେ । ଚଳିତଥର ବିଜେପିର ହିନ୍ଦୁତ୍ୱ ନୀତି ନିର୍ବାଚନରେ କାମ ଦେଲା ନାହିଁ ବୋଲି ଅନେକ କହିଛନ୍ତି । କେବଳ ଏତିକି ନୁହେଁ ବରଂ ରାହୁଲ ବାରମ୍ବାର ମନ୍ଦିର ଦର୍ଶନ ପାଇଁ ଯାଇଥିବାରୁ ଫଳାଫଳ ଏପରି ହୋଇଥିଲା ବୋଲି ସେ କହିଛନ୍ତି । ୨୦୧୪ ମସିହା ସାଧାରଣ ନିର୍ବାଚନ ସମୟରେ ବିଜେପି ଯାହାକୁ ବ୍ୟବହାର କରି ନିର୍ବାଚନ ବୈତରଣୀ ପାର ହୋଇଥିଲା । ଠିକ ଚଳିତଥର କଂଗ୍ରେସ ମଧ୍ୟ ଆପଣାଇଥିବା କେହି କେହି କହିବାକୁ ଲାଗିଲେଣି ।
ଗୁଜୁରାଟ ବିଧାନସଭା ନିର୍ବାଚନ ଦିନରୁ ଆରମ୍ଭ ହୋଇଥିଲା ମନ୍ଦିର ଦର୍ଶନ
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଗୁଜୁରାଟ ନିର୍ବାଚନ ସମୟରୁ ହିଁ ମନ୍ଦିର ଦର୍ଶନ ଆରମ୍ଭ କରିଥିଲେ । ସେଠାରେ ପାଖାପାଖି ୨୮ ମନ୍ଦିର ଯାଇ ଦେବାଦେବୀଙ୍କ ଦର୍ଶନ କରିଥିଲେ ରାହୁଲ । ତେବେ ସେହି ସମୟରେ ନିଜକୁ ଶ୍ରୀ ଗାନ୍ଧୀ ଶିବ ଭକ୍ତ ବୋଲି କହିଥିଲେ । ଏହାପରେ ବିବାଦ ଦେଖାଯାଇଥିଲା । ତେବେ ମନ୍ଦିର ଦର୍ଶନ ପରେ କିନ୍ତୁ କଂଗ୍ରେସକୁ ଫାଇଦା ମିଳିବାରେ ଲାଗିଥିଲା । ଗୋଟିଏ ପରେ ଗୋଟିଏ ରାଜ୍ୟରେ କଂଗ୍ରେସ ବିଧାନସଭା ନିର୍ବାଚନରେ ଭଲ ପ୍ରଦର୍ଶନ କରିବାକୁ ଲାଗିଥିଲା । ତେଣୁ ଗତକାଲିର ଫଳାଫଳ ଦେଖି ରାହୁଲ ମନ୍ଦିର ଯାଇ ଅନେକ ପୂଜାର୍ଚ୍ଚନା କରୁଥିବାରୁ ଏପରି ଭାବରେ ଫଳ ମିଳୁଛି ବୋଲି ଚର୍ଚ୍ଚା ଜୋର ଧରିଛି ।