ଜମ୍ମୁକଶ୍ମୀର କୁଲଗାଓଁରେ ସୁରକ୍ଷାବଳ ଓ ଆତଙ୍କବାଦୀ ସଂଘର୍ଷ । ଏନକାଉଣ୍ଟରରେ ୫ ଆତଙ୍କବାଦୀ ନିହତ
ଲୁଚି ରହିଥିବା ଖବର ପାଇ ସର୍ଚ୍ଚ ଅପରେସନ ଆରମ୍ଭ କରିଥିଲେ ଯବାନ
କନକ ବ୍ୟୁରୋ: ଜମ୍ମୁକଶ୍ମୀରର କୁଲଗାମରେ ସେନାକୁ ବଡ ସଫଳତା । କୁଲଗାମର କେଲମ ଅଂଚଳରେ ହୋଇଥିବା ଏନକାଉଁଟରରେ ୫ ଜଣ ଆତଙ୍କବାଦୀ ନିହତ ହୋଇଛନ୍ତି । ସେନା, ଜମ୍ମୁକଶ୍ମୀର ପୁଲିସ, ସିଆରପିଏଫ, ୯ ରାଷ୍ଟ୍ରୀୟ ରାଏଫଲସ, ଏସଓଜିର ମିଳିତ ଅପରେସନରେ ଏହି ସଫଳତା ମିଳିଛି । କେଲମରେ ଆତଙ୍କବାଦୀ ଲୁଚିଥିବା ଖବର ପାଇଁ ଶନିବାର ରାତିରୁ ଅଂଚଳକୁ ଘେରାବନ୍ଦୀ କରିଥିଲେ ସୁରକ୍ଷା କର୍ମୀ ।
Kanak News is now on WhatsApp
Join and get latest news updates delivered to you via WhatsApp
ସର୍ଚ୍ଚ ଅପରେସନ ଚାଲିଥିବା ବେଳେ ଆଜି ଭୋରରୁ ୨ଟି ଘରେ ଲୁଚିଥିବା ଆତଙ୍କବାଦୀ ସେନା ଉପରକୁ ଗୁଳିମାଡ କରିଥିଲେ । ସୁରକ୍ଷା କର୍ମୀ ରକେଟ ଲଂଚର ମାଡ କରି ୨ଟି ଘରକୁ ଉଡାଇ ଦେଇଥିଲେ । ଏହି ହମଲାରେ ୫ଜଣ ଆତଙ୍କବାଦୀ ନିହତ ହୋଇଛନ୍ତି । କୁଲଗାମ ଜିଲ୍ଲାରେ ପ୍ରାୟ ମାସେ ପରେ ଏନକାଉଁଟରରେ ସେନାକୁ ଏପରି ବଡ ସଫଳତା ମିଳିଛି । ନିହତ ଆତଙ୍କବାଦୀଙ୍କ ମଧ୍ୟରେ ଲସ୍କର କମାଣ୍ଡର ଥିବା ସନ୍ଦେହ କରାଯାଉଛି । ଏବେ ପୁଲିସ ନିହତ ଆତଙ୍କବାଦୀଙ୍କୁ ଚିହ୍ନଟ ପ୍ରକ୍ରିୟା ଆରମ୍ଭ କରିଛି ।