ମୃତ୍ୟୁର ଗୁମ୍ଫାରୁ ମୁକ୍ତି ପରେ ଥାଇଲାଣ୍ଡରୁ ଆସିଲା ପ୍ରଥମ ଭିଡିଓ ! ମୃତ୍ୟୁ ବିଜୟୀଙ୍କ ମୁହଁରେ ଅଛି ଆନନ୍ଦର ଝଲକ ।
କନକ ବ୍ୟୁରୋ : ଥାଇଲାଣ୍ଡର ମୃତ୍ୟୁର ଗୁମ୍ଫାରୁ ମୁକ୍ତି ପାଇବା ପରେ ଥାଇଲାଣ୍ଡରୁ ଆସିଲା ୧୨ଜଣ ବାଳକଙ୍କ ପ୍ରଥମ ଭିଡିଓ । ଆପଣଙ୍କ ହୃଦୟକୁ ଛୁଇଁଲା ଭଳି ହସର ଦୃଶ୍ୟ ରହିଛି ଏହି ଭିଡିଓରେ । ମେଡିକାଲ ବେଡରେ ସମସ୍ତ ୧୨ଜଣ ଚିକିତ୍ସିତ ହେଉଛନ୍ତି । ସମସ୍ତଙ୍କ ମୁହଁରେ ଅଛି ଆନନ୍ଦର ଝଲକ । ଖୁସିରେ ହାତ ହଲାଇ ବିଜୟର ସୂଚନା ଦେଉଛନ୍ତି । ଏହି ଦୃଶ୍ୟ ପିଲାଙ୍କ ପରିବାର ସହ ସମସ୍ତଙ୍କୁ ବେଶ୍ ଆଶ୍ୱସ୍ତି ଆଣିଦେଇଛି । ଥାଇଲାଣ୍ଡ ସରକାରଙ୍କ ପକ୍ଷରୁ ଏହି ଭିଡିଓ ଜାରି କରାଯାଇଛି । ଏହା ସହିତ ସମସ୍ତେ ସୁସ୍ଥ ଅଛନ୍ତି ବୋଲି ଥାଇ ସରକାରଙ୍କ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଦିନ ଉଦ୍ଧାର କାର୍ଯ୍ୟ ଶେଷ ହୋଇଥିଲେ ବି ସଂକ୍ରମଣ ହେବାର ଭୟ ଥିବାରୁ ସେମାନଙ୍କୁ ପରିବାର ଲୋକଙ୍କ ସହ ଭେଟିବାକୁ ଦିଆଯାଇନଥିଲା । ଏବଂ ସମସ୍ତଙ୍କୁ ତୁରନ୍ତ ମେଡିକାଲରେ ଭର୍ତି କରାଯାଇଥିଲା । ଦୀର୍ଘ ୧୭ ଦିନ ଧରି କାଳଗୁମ୍ଫାରେ ଫଶି ରହିବା ପରେ କଠିନ ପରିଶ୍ରମ କରି ପର୍ଯ୍ୟାୟ କ୍ରମେ ସମସ୍ତଙ୍କୁ ବାହାରକୁ ଆଣିଥିଲେ ଉଦ୍ଧାରକାରୀ ଦଳ । ପ୍ରାୟ ୮ରୁ ଅଧିକ ଦେଶର ଉଦ୍ଧାରକାରୀ ଦଳ ଏହି ଉଦ୍ଧାର କାର୍ଯ୍ୟରେ ସାମିଲ ହୋଇଥିଲେ । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ବିନା ଖାଦ୍ୟରେ ଏମାନେ କାଳ ଗୁମ୍ଫାରେ ପ୍ରଥମ ୯ଦିନ ବିତାଇଥିଲେ ସୁଧା ହାରିଯାଇନଥିଲେ । ତେବେ ୯ଦିନ ପରେ ଉଦ୍ଧାରକାରୀ ଦଳ ଏମାନଙ୍କୁ ଖୋଜିବା ସହ ତାଙ୍କ ପାଖରେ ଖାଦ୍ୟ ସାମଗ୍ରୀ ପହଞ୍ଚାଇଥିଲେ ।