ସମଲେଶ୍ୱରୀ ଏକ୍ସପ୍ରେସରେ ଲାଗିଲା ନିଆଁ । ହୁତୁହୁତୁ ହୋଇ ଜଳିଲା ଟ୍ରେନର ଇଞ୍ଜିନ, ୨ ଷ୍ଟେସନ ମାଷ୍ଟରଙ୍କୁ ନିଲମ୍ବନ କଲା ରେଲୱେ ।
ପୁଣି ଟ୍ରେନରେ ଲାଗିଲା ନିଆଁ
କନକ ବ୍ୟୁରୋ : ପୁଣି ଟ୍ରେନରେ ଲାଗିଲା ନିଆଁ । ସମଲେଶ୍ୱରୀ ଏକ୍ସପ୍ରେସରେ ନଆଁ ଲାଗିଥିବା ନେଇ ମିଳିଛି ସୂଚନା । ରାୟଗଡାରେ ଏକ୍ସପ୍ରେସ ଟ୍ରେନ ସହ ବିଦ୍ୟୁତ ମେଂଟନାନ୍ସ ଇଞ୍ଜିନ ଧକ୍କା ହେବାରୁ ନିଆଁ ଲାଗିଛି । ଟ୍ରେନଟିରେ ସିଂହପୁର-କେଉଟପଡା ମଧ୍ୟରେ ନିଆଁ ଲାଗିଛି । ତେବେ ପ୍ରାଥମିକ ପର୍ଯ୍ୟାୟରେ କେତେ କ୍ଷୟକ୍ଷତି ହୋଇଛି ସେନେଇ କୌଣସି ସୂଚନା ମିଳିପାରିନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଟ୍ରେନଟିରେ ନିଆଁ ଲାଗିଥିବା ପରେ ସେହି ରାସ୍ତା ଦେଇ ଯାଉଥିବା ଅନେକ ଟ୍ରେନକୁ ଅଟକା ଯାଇଥିବା ସହ ଘଟଣା ସ୍ଥଳରେ ରେଳବାଇର ଉଚ୍ଚପଦସ୍ଥ ଅଧିକାରୀମାନେ ପହଞ୍ଚି ସ୍ଥିତିର ଅନୁଧ୍ୟାନ କରୁଛନ୍ତି । ହେଲେ ଟ୍ରେନର କେତେ ପରିମାଣରେ ନିଆଁ ଲାଗିଛି ସେନେଇ କୌଣସି ସଠିକ ସୂଚନା ବର୍ତମାନ ସମୟରେ ମିଳିପାରିନାହିଁ ।
ଏହି ଦୁର୍ଘଟଣା ପରେ ଘଟଣାସ୍ଥଳରେ ବରିଷ୍ଠ ଅଧିକାରୀ ମାନେ ପହଞ୍ଚିଛନ୍ତି । କେବଳ ଇଞ୍ଜିନରେ ନିଆଁ ଲାଗିଥିବାରୁ ଏହାକୁ ଯାତ୍ରୀଙ୍କ ବଗି ଠାରୁ ସମ୍ପୂର୍ଣ୍ଣ ଅଲଗା କରି ଦିଆଯାଇଛି । ଘଟଣାସ୍ଥଳରେ ଦମକଳ ବାହିନୀ ପହଞ୍ଚିବା ପରେ ନିଆଁଲିଭା କାର୍ଯ୍ୟ ଜାରି ରହିଛି । ତେବେ ଏହି ଘଟଣାରେ କର୍ତ୍ତବ୍ୟରେ ଅବହେଳା ପାଇଁ ୨ ଜଣ ଷ୍ଟେସନ ମାଷ୍ଟରଙ୍କୁ ସସପେଣ୍ଡ କରାଯାଇଛି । କେଉଟଗୁଡା ଓ ସିଙ୍ଗାପୁର ରୋଡ ଷ୍ଟେସନ ମାଷ୍ଟରଙ୍କୁ ସସପେଣ୍ଡ କରାଯାଇଥିବା ରେଲୱେ ବିଭାଗ ପକ୍ଷରୁ ସୂଚନା ମିଳିଛି । ଏପରିକି ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ମଧ୍ୟ ସୂଚନା ମିଳିଛି ।