ସୁରଟ କୋଚିଂ ସେଂଟର ଅଗ୍ନିକାଣ୍ଡ ଘଟଣା ପରେ ଓଡିଶା ଅଗ୍ନିଶମ ବାହିନୀର ତତ୍ପରତା । କେତେ ସୁରକ୍ଷିତ ରାଜ୍ୟ କୋଚିଂ ସେଂଟର?
ଓଡିଶା ଅଗ୍ନିଶମ ବାହିନୀର ତତ୍ପରତା
କନକ ବ୍ୟୁରୋ : ସୁରଟ କୋଚିଂ ସେଂଟରରେ ଅଗ୍ନିକାଣ୍ଡ ଘଟଣା ପରେ ତତ୍ପରତା ଦେଖାଇଛି ଓଡିଶା ଅଗ୍ନିଶମବାହିନୀ । ଆମ ରାଜ୍ୟର ବିଭିନ୍ନ ସ୍ଥାନରେ ଥିବା କୋଚିଂ ସେଂଟର ଗୁଡିକ କେତେ ସୁରକ୍ଷିତ ସେ ନେଇ ଯାଂଚ କରିବେ ଅଗ୍ନିଶମ ବାହିନୀ । ବିଭିନ୍ନ ସେଂଟରରେ ଅଗ୍ନି ନିରୋଧକ ବ୍ୟବସ୍ଥା ନେଇ ୨୨ଟି ଟିମ୍ ଏହି ଯାଂଚ କରିବେ । ଏହା ସହିତ ଅଗ୍ନିକାଣ୍ଡ ସମୟରେ ଛାତ୍ରଛାତ୍ରୀମାନେ କିଭଳି ନିଜକୁ ସୁରକ୍ଷିତ ରଖିପାରିବେ ସେ ନେଇ ପ୍ରଶିକ୍ଷଣ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏବଂ ଅଗ୍ନି ନିରୋଧକ ବ୍ୟବସ୍ଥା ନଥିବା କୋଚିଂ ସେଂଟର ଗୁଡିକୁ ୧୫ ଦିନ ସମୟ ମଧ୍ୟରେ ବ୍ୟବସ୍ଥା କରିବାକୁ ନିର୍ଦ୍ଦେଶ ଦିଆଯିବ ବୋଲି କହିଛନ୍ତି ଅଗ୍ନିଶମ ଅଧିକାରୀ । ତେବେ ସୁରଟରେ କୋଚିଂ ସେଂଟରରେ ଅଗ୍ନି ନିରାପକ ବ୍ୟବସ୍ଥା ନଥିବା କାରଣରୁ ନିଆଁ ଲାଗି ୨୦ ରୁ ଅଧିକ ଛାତ୍ରଛାତ୍ରୀଙ୍କ ମୃତ୍ୟୁ ହୋଇଥିଲା । ଯାହାକୁ ନେଇ ସାରା ଦେଶରେ ଚର୍ଚ୍ଚା ଜୋର ଧରିଥିଲା । ସେହି ଘଟଣାକୁ ନଜରରେ ରଖି ରାଜ୍ୟରେ ଥିବା ବିଭିନ୍ନ କୋଚିଂ ସେଂଟରରେ ସୁରକ୍ଷା ଯାଂଚ କରାଯାଉଥିବା ନେଇ ସୂଚନା ମିଳିଛି ।