କନକ ବ୍ୟୁରୋ : ନିଆଳି ବଢେଇପାଟଣାରେ ଭୟାବହ ଅଗ୍ନିକାଣ୍ଡ । ନିଆଁରେ ୧୫ଟି ପରିବାରର ୫୦ରୁ ଅଧିକ ବଖାର ଘର ସମ୍ପୂର୍ଣ୍ଣ ଭାବେ ପୋଡି ଯାଇଛି । ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଜଣାପଡିଛି । ପ୍ରଥମେ ନିଆଁ ଲାଗିବା ପରେ ଦେଖୁ ଦେଖୁ ଏହା ଆଖପାଖ ଘରକୁ ବ୍ୟାପି ଯାଇଥିଲା । ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତି ପୋଡି ଯାଇଛି । ତେବେ କେହି ହତାହତ ହୋଇନଥିବା ସୂଚନା ମିଳିଛି । ୨ଟି ଦମକଳ ବାହିନୀ ନିଆଁକୁ ଆୟତ କରିବାରେ ଲାଗିଥିବା ବେଳେ ନିଆଁକୁ ଆୟତ କରିବା ପାଇଁ ନୟାନ୍ତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଘର ଜଳିଯିବା ପରେ ବାସହରା ହୋଇ ରାସ୍ତାକୁ ଚାଲିଆସିଛନ୍ତି ୧୫ ପରିବାରର ଛୁଆପିଲା ହୋଇ ୫୦ରୁ ଅଧିକ ଲୋକ । ତେବେ ବିଦ୍ୟୁତ୍ ବିଭାଗର ଅବହେଳା ଯୋଗୁଁ ଏତେ ବଡ ଅଘଟଣ ଘଟିଥିବା ଅଭିଯୋଗ ହୋଇଛି । ପ୍ରଥମେ ନିଆଁ ଲାଗି ଯିବା ପରେ ସ୍ଥାନୀୟ ବାସିନ୍ଦା ସେସୁ ଅଫିସକୁ ଫୋନ କରିଥିଲେ ବିଦ୍ୟୁତ ସରବରାହ ବନ୍ଦ କରିବା ପାଇଁ । ହେଲେ ସେସୁ ଅଫିସ କର୍ତୃପକ୍ଷ ଗୁରୁତ୍ୱ ନଦେଇ ପାୱାର କଟ୍ କରିନଥିଲେ ଫଳରେ ଭୟାବହ ଅଗ୍ନିକାଣ୍ଡ ଘଟିଗଲା । ଯାହାର ପ୍ରତିବାଦରେ ସେସୁ ଅଫିସ ଘେରାଉ କରିଛନ୍ତି ଉତ୍ୟକ୍ତ ଗ୍ରାମବାସୀ ।