ବାଲେଶ୍ୱର ଶ୍ୟାମସୁନ୍ଦପୁରରେ ଅଗ୍ନିକାଣ୍ଡ: ନିମିଷକେ ଜଳିଗଲା ୪ବଖରା ଘର
କନକ ବ୍ୟୁରୋ : ନିଆଁ ଆଁରେ ଜଳିଗଲା ସବୁ । ପୋଡି ଛାର ଖାର ହୋଇଗଲା ଘରର ସବୁ ଆସବାବପତ୍ର । ଚାହୁଁ ଚାହୁଁ ନିମିଷକ ମଧ୍ୟରେ ସ୍ୱପ୍ନ ସବୁ ମାଟିରେ ମିଶିଗଲା । ପାଉଁଶ ଭିତରୁ ଖୋଜୁଥିଲେ ପୁରୁଣା ଦିନର ଅଭୁଲା ସ୍ମୃତି । ଆଖିି ସାମ୍ନାରେ ଭାସିଆସୁଛି ଘରେ ବିତାଇବା କେତେ କାଳର ଅଙ୍ଗେନିଭା କଥା । ଅଧାପୋଡା ସାମଗ୍ରୀ ଭିତରୁୁ ଖୋଜୁଛନ୍ତି ବଂଚିବାର ରାହା ବାଲେଶ୍ୱର ଜିଲ୍ଲା ଖବରା ବ୍ଲକ ଶ୍ୟାମସୁନ୍ଦରପୁର ଗାଁ ର କରୁଣାକର ବାରିକ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତିରେ ହଠାତ ନିଆଁ ଲାଗିଯିବାରୁ ୪ବଖରା ଘରେ ନିଆଁ ଲାଗିଯିବା ସହ ଲକ୍ଷାଧିକ ଟଙ୍କାର ସମ୍ପତି ପୋଡି ନଷ୍ଟ ହୋଇଯାଇଛି । ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ କରିଥିଲା । ତେବେ ନିଆଁ ଲାଗିବାର ଅସ୍ପଷ୍ଟ ରହିଛି । ବାହାରେ ପଡି ରହିଛି ଅଧା ପୋଡା ବାକସ ସହ କିଛି ପୋଷାକ ପତ୍ର । ଘରେ ଖାଇବା ପାଇଁ ବି କିଛି ନାହିଁ । ଚିନ୍ତାରେ ଭାଙ୍ଗି ପଡିଛି ପୂରା ପରିବାର । ଚଳିବେ କେମିତି ଖାଇବେ କଣ ।