କନକ ବ୍ୟୁରୋ : ସମ୍ବଲପୁର ବୋର୍ଡ ଅଫିସରେ ନିଆଁ ଲଗାଇଦେଲେ ଦୁର୍ବୃତ୍ତ । ଜେଛ ଛକରେ ଥିବା ମାଧ୍ୟମିକ ଶିକ୍ଷା ପରିଷଦ ଶାଖାର କାର୍ଯ୍ୟାଳୟରେ କିଛି ଦୁର୍ବୃତ ନିଆଁ ଲଗାଦେଇଥିବା ଅଭିଯୋଗ ହୋଇଛି । ଅଗ୍ନିଶମ ବାହିନୀ ଘଟଣା ସ୍ଥ୍ଳରେ ପହଂଚି ନିଆଁକୁ ଆୟତ କରିଛି । ବୋର୍ଡ ଅଫିସରେ ଥିବା ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜଳିଯାଇଛି । ଦୁଇଟି ବାଇକ ପୋଡିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ମାଟ୍ରିକ ପରୀକ୍ଷା ପାଇଁ ଫର୍ମ ପୂରଣ ଚାଲିଥିଲା ବେଳେ ହଠାତ କିଛି ଲୋକ ଅଫିସ ବନ୍ଦ କରିବାକୁ କହିଥିଲେ । ଏହା ପରେ ଅଫିସ ବନ୍ଦ ନକରିବାରୁ କିଛି ଦୁର୍ବୃତ୍ତ ବାଇକ ସହ କମ୍ପୁଟର ଓ କାଗଜପତ୍ର ଜାଳିଦେଇଥିଲେ । କିଏ ଓ କାହିଁକି ନିଆଁ ଲଗାଇଲେ ଜଣାପଡିନଥିବା ବେଳେ ଏସପି ଘଟଣା ସ୍ଥଳରେ ପହଚିଂ ଅନ୍ୟୁଧ୍ୟାନ କରିବା ସହ ତଦନ୍ତ ଆରମ୍ଭ କରିଛନ୍ତି । ତେବେ ବୋର୍ଡ଼ କର୍ତ୍ତୃପକ୍ଷ ଏନେଇ କିଛି ପ୍ରତିକ୍ରୟା ରଖିନାହାନ୍ତି ।
ସୂଚନାଯୋଗ୍ୟ ଦିନ ଗୋଟାଏ ବେଳେ ଫର୍ମ ପୂରଣ କରୁଥିବା ସମୟରେ ହଠାତ୍ ୫ରୁ ୭ ଜଣ ଲୋକ ଅଫସି ଭିତରକୁ ପଶିଆସିଥିଲେ । ପ୍ରଥମେ ସେମାନେ କାର୍ଯ୍ୟାଳୟକୁ ବନ୍ଦ କରିବା ପାଇଁ କହିଥିଲେ । ତେବେ ସପ୍ଲିମେଣ୍ଟାରୀ ପରୀକ୍ଷା ପାଇଁ ଫର୍ମ ପୂରଣର ଶେଷ ଦିନ ଥିବାରୁ କାର୍ଯ୍ୟାଳୟ ବନ୍ଦ କରିବା ପାଇଁ ମନାକରିଥିଲେ ଉପନିର୍ଦ୍ଦେଶକ । ଉତକ୍ଷିକ୍ତ ହୋଇ ଦୁର୍ବୃତ୍ତମାନେ ପ୍ରଥମେ ବାହାରେ ଛିଡ଼ାହୋଇଥିବା ୨ ବାଇକକୁ ନିଆଁ ଲଗାଇଦେଇଥିଲେ । ଆଉ ପରେ କାର୍ଯ୍ୟାଳୟର ୩ଟି ରୁମକୁ ନିଆଁ ଲଗାଇ ଦେଇଥିଲେ ।