ଭୁବନେଶ୍ୱର ରେଲୱେ ଷ୍ଟେସନର ଯାତ୍ରୀ ବିଶ୍ରାମଗୃହ ନିକଟରେ ଅଗ୍ନିକାଣ୍ଡ ! ଯାତ୍ରୀ ଆତଙ୍କିତ, କାରଣ ଅସ୍ପଷ୍ଟ
କନକ ବ୍ୟୁରୋ : ଭୁବନେଶ୍ୱର ରେଲୱେ ଷ୍ଟେସନରେ ଲାଗିଲା ନିଆଁ । ରେଲୱେ ଷ୍ଟେସନର ଯାତ୍ରୀ ବିଶ୍ରାମାଗାର ନିକଟରେ ହଠାତ୍ ଅଗ୍ନି୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ମୃତାହତର କୌଣସି ସୂଚନା ନାହିଁ । ତେବେ ନିଆଁ ଲାଗିବା ପରେ ଯାତ୍ରୀମାନେ ଭୟରେ ଚିତ୍କାର କରି ଦୌଡ଼ାଦୌଡ଼ି କରିଥିଲେ । ନିଆଁ ଲିଭାଇବା ପାଇଁ ଘଟଣାସ୍ଥଳରେ ଦମକଳ ବାହିନୀ ପହଞ୍ଚିଥିଲେ, ଏବଂ ନିଆଁକୁ ଆୟତ କରିଥିଲେ । ତେବେ ନିଆଁ ଲାଗିବାର କାରଣ ଅସ୍ପଷ୍ଟ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆଜି ସକାଳ ୮ଟା ୩୦ ମିନିଟରେ ହଠାତ ରେଳ ଷ୍ଟେସନର ଯାତ୍ରୀ ବିଶାମଗାର ନିକଟରେ ନିଆଁ ଲାଗି ଯାଇଥିଲା । ବିଶ୍ରାମଗାର ବାହାରେ ଗଦ। ହୋଇଥିବା ପ୍ଲାଷ୍ଟିକ ସାମଗ୍ରୀରେ କୌଣସୀ କାରଣରୁ ନିଆଁ ଲାଗିଥିଲା । ଯାହା ହୁହୁ ହେଇ ଜଳିବାରେ ଲାଗିଥିଲା । ସେଠାରେ ଉପସ୍ଥିତ ପୋଲିସ, ସାଧାରଣ ଲୋକେ ମିଶି ନିଆଁକୁ ଆୟତ କରିବା ପାଇଁ ଚେଷ୍ଟା କରିଥିଲେ। ପରେ ଦମକଳ ବାହିନୀ ଆସି ନିଆଁକୁ ସମ୍ପୂର୍ଣ୍ଣ ଆୟତ କରିଥିଲା ।