ଯଦି ନିଆଁ ଲାଗେ ସପିଂ ମଲରେ…. ! ଆପଣ ଯାଉଥିବା ସପିଂ ମଲ କେତେ ସୁରକ୍ଷିତ
କନକ ବ୍ୟୁରୋ : କେତେ ସୁରକ୍ଷିତ ଆମେ ଯାଉଥିବା ସପିଂ ମଲ୍? ସପିଂ ମଲରେ ଅଗ୍ନି ନିରାପତା ପାଇଁ କ’ଣ ସବୁ ବ୍ୟବସ୍ଥା ରହିଛି ? ଭୁବନେଶ୍ୱର ଡମଣା ଛକର ଏକ ସପିଂ ମଲରେ ଅଗ୍ନିକାଣ୍ଡ ଘଟିବା ପରେ ଏବେ ସାଧାରଣ ଜନତାଙ୍କ ମଧ୍ୟରେ ଏମିତି କିଛି ପ୍ରଶ୍ନ ଉଠୁଛି । ଆଉ, ସବୁ ଜାଣି ଅଜଣା ପାଲଟିଥିବା ପ୍ରଶାସନର ନିଦ ଭାଙ୍ଗେ ଯେତେବେଳେ କୌଣସି ଏକ ଘଟଣା ଘଟେ ।
Kanak News is now on WhatsApp
Join and get latest news updates delivered to you via WhatsApp
ନିଆଁ ଲାଗିଲେ ଚଢାଉ ହୁଏ? ଅଘଟଣ ଘଟିଲେ ନିଦ ଭାଙ୍ଗେ? ଏହି ପ୍ରଶ୍ନ ଉଠିବାର କାରଣ ହେଉଛି ପୋଡି ଯାଇଥିବା ସପିଂ ମଲ ଉପରେ ଫାୟାର ଅଫିସରଙ୍କ ରେଡ୍ । ଗୁରୁବାର ନିଆଁ ଲାଗିଥିବା ରାଜଧାନୀର ଡମଣା ଛକରେ ଥିବା ସପିଂ ମଲରେ ରେଡ କରାଯାଇଛି । ଯାଂଚ ଚାଲିଛି, କାରଣ ଖୋଜା ଚାଲିଛି କାହିଁକି ଓ କେଉଁ ପରିସ୍ଥିତିରେ ନିଆଁ ଲାଗିଲା । ଏହି ବିଲଡିଂ ପାଇଁ ଫାୟାର ସେଫଟି ସାର୍ଟିଫିକେଟ୍ ଅନୁମତି ଥିଲା କି ନାହିଁ? ଅଗ୍ନି ନିରାପତା ବ୍ୟବସ୍ଥା ଥିଲା କି ? ଏହି ଅଗ୍ନକାଣ୍ଡରେ ଲୋକଙ୍କ ଭାଗ୍ୟ ସାଥ୍ ଦେଇଥିଲା । କାରଣ ଭୋରରୁ ନିଆଁ ଲାଗିବାରୁ ଆସବାପତ୍ର ସିନା ପୋଡିଗଲା ହେଲେ ବଂଚି ଯାଇଥିଲା ଲୋକଙ୍କ ଜୀବନ ।
ସ୍ମାଟସିଟିରେ ଛତୁ ଫୁଟିଲା ଭଳି ସପିଂମଲ୍ । ପ୍ରତିଦିନ ସପିଂ କରିବାକୁ ମଲଗୁଡିକୁ ଆସିଥାନ୍ତି ହଜାର ହଜାର ଲୋକ । ମଲରେ ନିଆଁ ଲାଗିବା ଖବର ଜାଣିବା ପରେ ଲୋକଙ୍କ ମନରେ ପ୍ରଶ୍ନ -କେତେ ସୁରକ୍ଷିତ ଆମ ଏହି ସପିଂମଲ୍? କେଉଁ ମଲକୁ ଯିବା ନିରାପଦ? ସପିଂ ମଲରେ ନିଆଁକୁ ଆୟତ କରିବାର ବ୍ୟବସ୍ଥା ଅଛି କି? ନିଆଁ ଲାଗିବା ଆଗରୁ କୌଣସି ସପିଂମଲକୁ ଯାଂଚ କରାଯାଉନାହିଁ । ହେଲେ ନିଆଁ ଲାଗିବା ପରେ ଏଠି ଚଢାଉ ହେବା ଘଟଣାକୁ ନେଇ ଅଗ୍ନିଶମ ବିଭାଗର କାର୍ଯ୍ୟକୁ ନେଇ ସନ୍ଦେହ ସୃଷ୍ଟି ହୋଇଛି ।