ପରଦାକୁ ଆସିଲା ହାଉସଫୁଲ ଥ୍ରୀ
ଫିଲ୍ମ ଫ୍ରାଇଡେରେ ଆଜି ପରଦାକୁ ଆସିଲା କମେଡ଼ି ସିକୁଏଲ୍- ହାଉସଫୁଲ ଥ୍ରୀ । ରୋମାଂଟିକ୍ କମେଡ଼ି ସିକୁଏଲ ହାଉସଫୁଲର ଏହା ତୃତୀୟ ଫିଲ୍ମ । ଏଥର ଫିଲ୍ମରେ ଜନ୍ ଆବ୍ରାହମଙ୍କ ବଦଳରେ ଅଭିଷେକ ବଚ୍ଚନ କମେଡ଼ି କରୁଥିବା ଦେଖିବାକୁ ମିଳିବ । ହାଉସଫୁଲ ଏବଂ ହାଉସଫୁଲ-ଟୁ ଭଳି ଅକ୍ଷୟ କୁମାର ଓ ରିତେଶ ଦେଶମୁଖଙ୍କ ଅଭିନୟ ଦେଖିବାକୁ ମିଳିବ । ତେବେ ଏହି ୩ଟି ଅଭିନେତାଙ୍କ ବିପକ୍ଷରେ ଅଛନ୍ତି ଜ୍ୟାକଲିନ୍ ଫର୍ଣ୍ଣାଡିସ୍, ନରଗିସ୍ ଫକ୍ରୀ ଏବଂ ଲିଜା ହେଡେନ୍ । ତେବେ ଫିଲ୍ମ ରିଲିଜ୍ ହେବା ପୂର୍ବର ଗୀତ ଗୁଡ଼ିକ ବେଶ୍ ଲୋକପ୍ରିୟ ହୋଇସାରିଛି।
Kanak News is now on WhatsApp
Join and get latest news updates delivered to you via WhatsApp
ଏହି ସିନେମାର ଡାଇରେକ୍ଟର ସାଜିଦ- ଫରହାଦ ଥିବା ବେଳେ ପ୍ରଡ୍ୟୁସର ଅଛନ୍ତି ସାଜିଦ ନାଦିୟାୱାଲା । ସିନେମାର କାହାଣୀ ଜଣେ ବ୍ୟବସାୟୀ ବଟୁକ ଲାଲଙ୍କୁ ନେଇ ଗତିଶୀଳ । ଯାହାର ଅଛନ୍ତି ତିନି ସୁନ୍ଦରୀ ଝିଅ । ହେଲେ ବଟୁକ ଏମିତି ବାପା ଯିଏ ନିଜର ତିନି ଝିଅଙ୍କୁ ବାହା ଦେବାକୁ ଚାହାଁନ୍ତି ନାହିଁ । କିନ୍ତୁ ଏମାନେ ପରସ୍ପର ଚାହାଁନ୍ତି ନିଜ ନିଜର ବୟ ଫ୍ରେଣ୍ଡଙ୍କୁ ବିବାହ କରିବାକୁ ।
ଏହିଭଳି ଭାବେ ସିନେମାର କାହାଣୀ ହେଉଛି ଗତିଶୀଳ । ପୁଣି ଥରେ ସିନେମାରେ ଅକ୍ଷୟ କୁମାର ନିଜର କମେଡିରେ ଦର୍ଶକଙ୍କୁ ଯୋଗାଇଛନ୍ତି ହସର ଖୋରାକ । ସେହିପରି ରିତେଶ ଦେଶମୁଖ ଓ ଅଭିଷେକଙ୍କ ଅଭିନୟରେ ଦର୍ଶକମାନେ ବାଧ୍ୟ ହେବେ ହସିବାକୁ ।