ମନ୍ତ୍ରୀଙ୍କ ସାମ୍ନାରେ ମୁହାଁମୁହିଁ । ନୂତନ ଗୃହ ଉଦଘାଟନ ବେଳେ ଦୁଇ ଛାତ୍ର ଗୋଷ୍ଠୀ ମଧ୍ୟରେ ଜୋରଦାର ସଂଘର୍ଷ, ଜାଣନ୍ତୁ କେଉଁଠି
କନକ ବ୍ୟୁରୋ : କଲେଜରେ ମନ୍ତ୍ରୀଙ୍କ ସାମ୍ନାରେ ହାତାହାତି । କେହି କାହା କଥା ଯେପରି ଶୁଣିବା ଅବସ୍ଥାରେ ନଥିଲେ । ଦୁଇ ଛାତ୍ର ଗୋଷ୍ଠୀ ମଧ୍ୟରେ ସଂଘର୍ଷ ଏତେ ଉଗ୍ର ରୂପ ଧରିଥିଲା ଯେ, କିଛି ଛାତ୍ର ଏଥିରେ ଆହତ ହୋଇଛନ୍ତି । ଆଉ ଏଭଳି ଏକ ଘଟଣା କମର୍ଦ୍ଦା ସୁରେନ୍ଦ୍ରନାଥ କଲେଜରେ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୂଯାୟୀ, ଆଜି ବାଲେଶ୍ୱର ଜିଲ୍ଲା ଭୋଗରାଇରେ ଥିବା କମର୍ଦ୍ଦା ସୁରେନ୍ଦ୍ରନାଥ କଲେଜରେ ନୂତନ କୋଠାଘର ଉଦଘାଟନ କରିବାକୁ ଯାଇଥିଲେ ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ । ତେବେ ଉଦଘାଟନ ପୂର୍ବରୁ ଦୁଇ ଛାତ୍ର ଗୋଷ୍ଠୀ ମଧ୍ୟରେ ଆରମ୍ଭ ହୋଇଥିଲା ସଂଘର୍ଷ । ନୂତନ ଗୃହ ଉଦଘାଟନକୁ ନେଇ କିଛି ଛାତ୍ର ଅନନ୍ତ ଦାସଙ୍କୁ ବିରୋଧ କରିଥିଲେ । ଏପରିକି ଉଭୟ ଗୋଷ୍ଠୀ ମଧ୍ୟ ପରସ୍ପର ହାତାହାତି ମଧ୍ୟ ହୋଇଥିଲେ । ତେବେ ପୋଲିସ ଉଭୟ ଗୋଷ୍ଠୀଙ୍କୁ ବୁଝାସୁଝା କରିବା ପରେ ମନ୍ତ୍ରୀ ନୂତନ କୋଠାଘର ଉଦଘାଟନ କରିଥିଲେ ।