ହତ୍ୟାକାରୀ ବାପା ବିରୋଧରେ ସାକ୍ଷ୍ୟ ପ୍ରଦାନ କଲା ଝିଅ । ଝିଅର ସାକ୍ଷୀରେ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି ନିଜ ମା’ର ହତ୍ୟାକାରୀ ବାପାଙ୍କୁ । ଏହା ବ୍ୟତୀତ ଖୁନୀ ବାପା ଉପରେ ୧୦ ହଜାର ଟଙ୍କାର ଜୋରିମାନା ମଧ୍ୟ ହୋଇଛି । ଜୋରିମାନ ନଦେଇ ପାରିଲେ ଆଉ ଅଧିକ ୬ ମାସର କାରାଦଣ୍ଡ ଭୋଗିବା ପାଇଁ ପଡିବ । ସଞ୍ଜୀବନୀ ଟୁଡେରେ ପ୍ରକାଶ ପାଇଛି ଏପରି ଏକ ଖବର ।
Kanak News is now on WhatsApp
Join and get latest news updates delivered to you via WhatsApp
କନୈାଜ ସହର କୋତବାଲୀର ୟୁସୁଫପୁର ଗାଁ ନିବାସୀ ରାମବାବୁ ରାଠୋର ନାମକ ଜଣେ ବ୍ୟକ୍ତି ନିଜର ଭଉଣୀ ପ୍ରେମାଦେବୀଙ୍କ ବିବାହ ଫରୀଖାବାଦ ଜିଲ୍ଲାର ଶାସ୍ତ୍ରୀ ନଗର ନିବାସୀ ମହେନ୍ଦ୍ର ସିଂ ସହ କରାଇଥିଲେ । କିଛିଦିନ ଉଭୟଙ୍କ ବୈବାହିକ ଜୀବନ ସୁରୁଖୁରୁରେ କଟିଥିଲା । କିଛି ସମୟ ପରେ ସେମାନଙ୍କର ଜୀବନରେ ଆସିଥିଲା ଏକ ଝିଅ ।
ଏଇ ସମୟ ମଧ୍ୟରେ ମହେନ୍ଦ୍ର ସିଂଙ୍କର ଆଉ ଜଣେ ମହିଳାଙ୍କ ସହ ଅବୈଧ ସଂପର୍କ ଗଢି ଉଠିଥିଲ । ଏକଥା ଜାଣିବା ପରେ ମହେନ୍ଦ୍ରଙ୍କ ପତ୍ନୀ ପ୍ରେମାଦେବୀ ଏକଥାର ବିରୋଧ କରିଥିଲେ । ପତ୍ନୀର ବିରୋଧରେ ମହେନ୍ଦ୍ର ହିତାହିତ ଜ୍ଞାନ ଭୁଲି ଏକ ଧାରୁଆ ଅସ୍ତ୍ରରେ ପ୍ରେମାଦେବୀଙ୍କୁ ହତ୍ୟା କରିଥିଲେ । ହତ୍ୟା କରିବା ପରେ ପ୍ରେମାଦେବୀଙ୍କ ଶବକୁ ଏକ ବସ୍ତାରେ ପୁରାଇ ଫୋପାଡି ଦେଇଥିଲେ ।
ଏସବୁ କୁକର୍ମର ମୂକସାକ୍ଷୀ ଥିଲା ସେମାନଙ୍କ ଝିଅ ଏବଂ ବାପା ଏପରି କରିବା ସମୟରେ ସବୁ ଦେଖି ନେଇଥିଲା ସେ । ପ୍ରେମାଦେବୀଙ୍କ ମୃତ୍ୟୁ ପରେ ତାଙ୍କ ଭାଇ ରାମବାବୁ ରାଠୋର ହତ୍ୟାକାରୀ ମହେନ୍ଦ୍ର ସିଂ ଓ ତାଙ୍କ ପରିବାର ଲୋକଙ୍କ ବିରୋଧରେ ପୋଲିସରେ ଅଭିଯୋଗ କରିଥିଲେ ଏବଂ ପୋଲିସ ଏ ମାମଲାର ଯାଞ୍ଚ କରିଥିଲା । ମୋକଦ୍ଦମା ସମୟରେ ମା’ର ହତ୍ୟାକାରୀ ତଥା ନିଜ ବାପା ବିରୋଧରେ ସାକ୍ଷ୍ୟ ଦେଲା ଝିଅ । ଏଇ କେସର ଶୁଣାଣି ପରେ ହତ୍ୟାକାରୀ ବାପାକୁ ମିଳିଲା ଉଚିତ୍ ଦଣ୍ଡ ।