ପିତାଙ୍କ ଜୀବନର ଶେଷ ମୁହୂର୍ତ୍ତରେ ମଧ୍ୟ ହାର୍ ମାନିନଥିଲେ ଏହି ଆଥଲେଟ୍ ! ସ୍ୱର୍ଣ୍ଣପଦକ ଜିତିବା ପରେ ଅଙ୍ଗେନିଭା କଥାକୁ ବଖାଣିଥିଲେ ।
ସଟ୍ ପୁଟ୍ ଆଥଲେଟ୍ ତଜିନ୍ଦର ପାଲ୍ ସିଂହ ତୁର ଶନିବାର ୧୮ ତମ ଏସୀୟ କ୍ରୀଡାରେ ଭାରତରୁ ସ୍ୱର୍ଣ୍ଣ ପଦକ ଜିତି ଦେଶକୁ ଗର୍ବାନ୍ୱିତ କରିଛନ୍ତି । ସମ୍ପୁର୍ଣ୍ଣ ଦେଶ ତାଙ୍କର ଏହି ସଫଳତାରେ ଖୁସି ଥିବା ବେଳେ ତାଙ୍କ ପରିବାରରେ ଦୁଃଖର ଛାୟା ଖେଳିଯାଇଛି । ତାଙ୍କ ପିତା ବହୁ ସମୟରୁ କ୍ୟାନ୍ସର ରୋଗରେ ପୀଡିତ ଅଛନ୍ତି ଏବଂ ପଞ୍ଜାବର ଏକ ଡାକ୍ତରଖାନାରେ ଜୀବନର ଅନ୍ତିମ ସମୟ କାଟୁଛନ୍ତି । କିନ୍ତୁ ଦୁଃଖକୁ ଏଡାଇ ମଧ୍ୟ ପୁଅର ବାହାଦୁରିରେ ସେ ଖୁବ୍ ଖୁସି ଅଛନ୍ତି । ଏଭଳି ଦୁଃଖଦ ମୂହୁର୍ତ୍ତରେ ସେ ହାର୍ ନମାନି ଏସୀୟ କ୍ରୀଡାରେ ନିଜ ଦେଶପ୍ରତି ଗୌରବ ଆଣିଦେବା କଥା ଏବେ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ସଫଳତା ପରେ ତଜିନ୍ଦର କହିଥିଲେ, “ଏହି ପଦକ ମୋ ପାଇଁ ବହୁତ ବଡ ଉପଲବ୍ଧି ଅଟେ,ଏଥିପାଇଁ ମୋତେ ବହୁ ତ୍ୟାଗର ସାମ୍ମା କରିବାକୁ ପଡିଛି । ଗତ ଦୁଇବର୍ଷ ଧରି ମୋ ପିତା କର୍କଟ ରୋଗରେ ପୀଡିତ ଅଛନ୍ତି ଏହାସତ୍ତେ୍ୱ ମୋ ପରିବାର ଲୋକେ ମୋତେ ମୋ ଲକ୍ଷ୍ୟସ୍ଥଳୀରୁ କେବେ ପଥଚ୍ୟୁତ ହେବାକୁ ଦେଇନାହାନ୍ତି । ପରିବାର ଏବଂ ବନ୍ଧୁପରିଜନ ମୋତେ ଆଗକୁ ବଢିବା ପାଇଁ ପ୍ରୋତ୍ସାହିତ କଲେ ଯାହାର ଫଳ ମୋତେ ଆଜି ସ୍ୱର୍ଣ୍ଣପଦକ ରୂପେ ପ୍ରାପ୍ତ ହେଲା ।”