ହକ ପାଇଁ ଲଢୁଥିବା ନବନିର୍ମାଣ କୃଷକ ସଂଗଠନର ଆନ୍ଦୋଳନଜାରି : ବିଧାନସଭା ଘେରାଉ କାର୍ଯ୍ୟକ୍ରମ ପାଇଁ ଚାଲିଛି ପ୍ରସ୍ତୁତି । ଆଲୋଚନା ପାଇଁ ଆସିବେ ବିଜେଡିର ୨ ବିଧାୟକ
କନକ ବ୍ୟୁରୋ : ପ୍ରାଇସ, ପ୍ରେଷ୍ଟିଜ ଓ ପେନସନ ପାଇଁ ନବନିର୍ମାଣ କୃଷକ ସଂଗଠନର ଆନ୍ଦୋଳନ । ରାଜଧାନୀରେ ଚାଲିଛି ନବ ନିର୍ମାଣ କୃଷକ ସଂଗଠନର ଅନଶନ ଓ ସତ୍ୟାଗ୍ରହ । ବିଧାନସଭା ଘେରାଉ ପାଇଁ କୃଷକ ସଂଗଠନ ପକ୍ଷରୁ କାର୍ଯକ୍ରମ ଚାଲିଛି । ଆଜି ସରକାରଙ୍କ ପକ୍ଷରୁ ୨ ଜଣ ବିଜେଡି ବିଧାୟକ ଆସି ଅନଶନରେ ବସିଥବା ଚାଷୀଙ୍କ ସହ ବିଭିନ୍ନ ଦାବି ନେଇ ଆଲୋଚନା କରିବେ ।
Kanak News is now on WhatsApp
Join and get latest news updates delivered to you via WhatsApp
ବିଧାନସଭା ଘେରାଉ ପାଇଁ ବିିଭନ୍ନ ଅଂଚଳରୁ ଆସୁଥିବା ଚାଷୀଙ୍କୁ ପୁଲିସ ଅଟକାଇବା ସତ୍ୱେ ଶତାଧିକ ଚାଷୀ ଭୁବନେଶ୍ୱରରେ ଏକାଠି ହୋଇଛନ୍ତି । ଗତକାଲି ବିଭିନ୍ନ ଦାବି ନେଇ ଲୋୟର ପିଏମଜିରେ ଅନଶନ କରୁଥିବା କୃଷକଙ୍କ ଦାବି ସଂପର୍କରେ ଆଲୋଚନା ପାଇଁ ରାଜ୍ୟ ସରକାରଙ୍କ ପକ୍ଷରୁ ୫ ଜଣିଆ ବିଧାୟକ ଅନଶନସ୍ଥଳରେ ପହଂଚି ଆଲୋଚନା କରିଥିଲେ । କିନ୍ତୁ ଆଲୋଚନାରେ କିଛି ନିଷ୍କର୍ଷ ବାହାରିପାରିନଥିଲା । ପାଖପାଖି ୧୦ ଦିନ ହେବ ନବ ନିର୍ମାଣ ସଂଗଠନ ଲୋୟର ପିଏମଜିରେ ଅନଶନରେ ବସିଛନ୍ତି ।