ଚାଷୀକୁ ଦଂଶନ କରିବା ସାପକୁ ପଡିଲା ମହଙ୍ଗା ! ରାଗରେ ସାପର ମୁଣ୍ଡକୁ କାମୁଡି ଛିଣ୍ଡାଇ ଦେଲେ ସୋନେଲାଲ, ଜାଣନ୍ତୁ ତା ପରେ କଣ ହେଲା
ଅଧିକାଂଶ ସମୟ ସାପ କାମୁଡାରେ ମଣିଷର ମୃତ୍ୟୁ ହୋଇଥିବା କଥା ଆପଣ ଶୁଣିଥିବେ । କିନ୍ତୁ ସାପକୁ ମଣିଷ କାମୁଡିବା ଘଟଣା କ୍ୱଚିତ ଦେଖିବାକୁ ମିଳିଥାଏ । ଉତ୍ତର ପ୍ରଦେଶରୁ ଏବେ ଏହିଭଳି ଏକ ଘଟଣା ସାମ୍ନାକୁ ଆସିଛି । ହରଦୋଇ ଅଞ୍ଚଳର ଶୁକ୍ଲାପୁର ଗାଁରେ ଏକ ଚାଷୀ ଏକ ସାପକୁ କାମୁଡି ଚୋବାଇ ଦେଇଥିବାର ଘଟଣା ସାମ୍ନାକୁ ଆସିଛି । ଏହାପୂର୍ବରୁ ସାପଟି ମଣିଷକୁ କାମୁଡିଥିଲା ତେଣୁ ରାଗରେ ଚାଷୀଟି ସାପର ମୁଣ୍ଡଟିକୁ କାମୁଡି ଛିଡାଇ ଦେଇଥିଲେ । ଏଥିରେ ସାପଟିର ମୃତ୍ୟୁ ହୋଇଥିଲା । ତେବେ ଚାଷୀ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯିବା ଫଳରେ ତାଙ୍କର ଜୀବନ ବଞ୍ଚିଯାଇଛି । ଡାକ୍ତରଙ୍କ କହିବା ଅନୁଯାୟୀ, ଚାଷୀଙ୍କ ଦେହରେ ସାପ କାମୁଡାର ଚିହ୍ନ ଦେଖା ଯାଇ ନଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଶୁକ୍ଲାପୁର ଅଞ୍ଚଳର ଚାଷୀ ସୋନେଲାଲ କ୍ଷେତକୁ ଘାସ ଆଣିବାକୁ ଯାଇଥିବା ବେଳେ ତାଙ୍କୁ ସାପ କାମୁଡିଥିଲା । କିନ୍ତୁ ସେ ମଧ୍ୟ ସାପକୁ କାମୁଡି ତା ମୁଣ୍ଡ ଛିଡାଇ ଦେଇଥିଲେ । ତେବେ କିଛି ସମୟ ମଧ୍ୟରେ ସୋନେଲାଲ କ୍ଷେତ ମଧ୍ୟରେ ବେହୋସ ହୋଇଯାଇଥିଲା । ପରେ ତାଙ୍କୁ ଆମ୍ବୁଲାନ୍ସରେ ହସ୍ପିଟାଲ ନିଆଯାଇ ଚିକିତ୍ସା କରାଯାଇଥିଲା । ତାଙ୍କ ପଡ଼ୋଶୀ ରାମ ସେବକ ଏବଂ ରାମ ସ୍ୱରୂପ କହିଥିଲେ କି, ସୋନେଲାଲକୁ ସାପଟାଏ କାମୁଡ଼ିଛି। କିନ୍ତୁ, ତା’ ଦେହ ଯାଞ୍ଚ ହେବା ପରେ ମଧ୍ୟ କୌଣସି ସ୍ଥାନରେ ସାପକାମୁଡ଼ା ଚିହ୍ନ ମିଳିନଥିଲା ।
ରାତି ପ୍ରାୟ ୧୦ଟା ବେଳକୁ ସୋନେଲାଲଙ୍କ ଚେତା ଫେରିଲାରୁ ସେ ଘଟଣା ବର୍ଣ୍ଣନା କରିଥିଲେ। ସେ କହିଥିଲେ: ଗୋରୁ ଚରାଉଥିବାବେଳେ ତାଙ୍କୁ ସାପ କାମୁଡ଼ିଲା। ରାଗରେ ସେ ସାପକୁ ଉଠାଇ ଆଣି ତା’ର ମୁଣ୍ଡ କାମୁଡ଼ି ଛିଣ୍ଡାଇ ପକାଇଲେ।ଡାକ୍ତରଙ୍କ କହିବାନୁସାରେ, ତା’ ଦେହରେ ସାପ କାମୁଡ଼ା କ୍ଷତ ତ ନ ଥିଲା। ବୋଧହୁଏ ସାପ ମୁଣ୍ଡକୁ କାମୁଡ଼ିଲା ବେଳେ କିଛି ଅଂଶ ଖାଇ ଥିବାରୁ ସେଥିରେ ଥିବା ବିଷ ପ୍ରଭାବରୁ ସେ ବେହୋସ ହୋଇ ଯାଇଥିଲେ।