ପୁଣି ଆସିଲା ଚାଷୀ ଆତ୍ମହତ୍ୟା ଅଭିଯୋଗ! ବିଷ ପିଇ ଜୀବନ ହାରିଲେ ଗଂଜାମ ଜିଲ୍ଲା ଏରେଣ୍ଡା ଗାଁର ଚାଷୀ ଅଭୟ ନାଏକ
କନକ ବ୍ୟୁରୋ: ପୁଣି ଆସିଲା ଚାଷୀ ଆତ୍ମହତ୍ୟା ଅଭିଯୋଗ । ଗଂଜାମ ଜିଲ୍ଲା ସାନଖେମୁଣ୍ଡି ବ୍ଲକ ଏରେଣ୍ଡା ଗାଁର ଅଭୟ ନାଏକ ନାମକ ଜଣେ ଚାଷୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ସୁଚନା ଅନୁସାରେ ଚାଷୀ ଜଣକ ଋଣ କରି ସେ ଚାଷ କରିଥିଲେ । ପରେ ଫସଲରେ ଚକଡା ପୋକ ଲାଗିଯିବା ଯୋଗୁଁ ଫସଲ ନଷ୍ଟ ହୋଇଯାଇଥିଲା । ଏବଂ କରଜ ସୁଝିବା ଚିନ୍ତାରେ ସେ କୀଟନାଶକ ପିଇ ଆତ୍ମହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ଗତକାଲି ବରଗଡର ମୃତ ଚାଷୀ ବୃନ୍ଦାବନ ସାହୁଙ୍କୁ କୌଣସି କ୍ଷତିପୂରଣ ମିଳିବନି ବୋଲି କୃଷିମନ୍ତ୍ରୀ ଦାମୋଦର ରାଉତ କହିଛନ୍ତି । ଖାଲି ସେତିକି ନୁହେଁ ଜମିରେ ଫସଲ ପୋଡି ଦେଇଥିବା ଚାଷୀଙ୍କୁ କ୍ଷତିପୂରଣ ଦିଆଯିବ ନାହିଁ । ସେ ବରଗଡର ବୃନ୍ଦା ସହୁ ହୁଅନ୍ତୁ ବା ଅନ୍ୟ କେହି । ଏଭଳି ମନ୍ତବ୍ୟ ଦେଇଛନ୍ତି କୃଷିମନ୍ତ୍ରୀ ଦାମୋଦର ରାଉତ । ବରଗଡରେ ଚାଷୀର ଜମିରେ ଚକଡା ପୋକ ଲାଗି ଫସଲ ନଷ୍ଟ ବାବଦରେ ଜିଲ୍ଲାପାଳ ରିପୋର୍ଟ ଦେବା ପରେ ଏଭଳି ମନ୍ତବ୍ୟ ଦେଇଛନ୍ତି କୃଷିମନ୍ତ୍ରୀ । ସେ କହିଛନ୍ତି, ବରଗଡ ଜିଲ୍ଲାପାଳ ତଦନ୍ତ ରିପୋର୍ଟ ରାଜ୍ୟ ସରକାରଙ୍କୁ ପ୍ରଦାନ କରିଛନ୍ତି । ହେଲେ ରିପୋର୍ଟରେ ଚାଷୀ ଆତ୍ମହତ୍ୟା ନୁହେଁ, ଫସଲହାନୀ ବାବଦରେ ଉଲ୍ଲେଖ ରହିଛି । ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ଚାଷୀ ଋଣ ପାଇଁ ଆତ୍ମହତ୍ୟା କରିନାହିଁ ।
ସେପଟେ କୃଷିମନ୍ତ୍ରୀ ଦାମୋଦର ରାଉତଙ୍କ ମନ୍ତବ୍ୟକୁ ନେଇ ଜୋର ଧରିଛି ରାଜନୀତି । ଦାମଙ୍କ ମନ୍ତବ୍ୟକୁ କଡା ଭାଷାରେ ସମାଲୋଚନା କରିଛି ଉଭୟ ବିଜେପି ଓ କଂଗ୍ରେସ । କଂଗ୍ରେସ ସଭାପତି କହିଛନ୍ତି, ଚାଷୀଙ୍କ ମନ ପୋଡିଗଲା, ଚାଷ ପୋଡଗଲା ଆଗକୁ ସରକାର ମଧ୍ୟ ପୋଡି ଯିବ । ଚାଷୀଙ୍କ ସୁରକ୍ଷା ପାଇଁ ଆସନ୍ତା ୭ ତାରିଖରେ କଂଗ୍ରେସ ବରଗଡରେ ବିଚାଟ ଚାଷୀ ସମାବେଶ କରିବ ବୋଲି କହିଛନ୍ତି ପ୍ରସାଦ ହରିଚନ୍ଦନ । ସେହିଭଳି ମନ୍ତ୍ରୀଙ୍କ ଏଭଳି ମନ୍ତବ୍ୟକୁ ତାତ୍ସଲ୍ୟ ଅମାନବୀୟ ବୋଲି କହିଛନ୍ତି ରାଜ୍ୟ ବିଜେପି ସଭାପତି ବସନ୍ତ ପଣ୍ଡା । ଏଭଳି ମନ୍ତବ୍ୟ ଦେଇଥିବା ମନ୍ତ୍ରୀଙ୍କର ମନ୍ତ୍ରୀ ପଦରେ ରହିବାର ଅଧିକାର ନାହିଁ ବୋଲି କହିଛନ୍ତି ବସନ୍ତ ପଣ୍ଡା ।
ଆତ୍ମହତ୍ୟା ପୁର୍ବରୁ ବୃନ୍ଦା ସାହୁ କୃଷି ଅଧିକାରୀମାନଙ୍କୁ ନିଜ ସମସ୍ୟା ସମ୍ପର୍କରେ ଜଣାଇଥିଲେ । ହେଲେ କେହି ତାଙ୍କୁ ସାହାଯ୍ୟ କରିନଥିଲେ । ବୃନ୍ଦା ସାହୁ ଆତ୍ମହତ୍ୟା କରିନାହାନ୍ତି, ତାଙ୍କୁ ପ୍ରଶାସନ ହତ୍ୟା କରିଛି ବୋଲି ସେ କହିଛନ୍ତି । କୀଟନାଶକ କ୍ରୟରେ କୋଟିକୋଟି ଟଙ୍କାର ଘୋଟାଲା ହୋଇଛି । ଏହାର ପର୍ଦ୍ଧାଫାସ ହେଉ । ବିଜେପି ତୃଣମୁଳ ସ୍ତରରେ ଚାଷୀ ଆନ୍ଦୋଳନ କରିବ ବୋଲି କହିଛନ୍ତି ବିଜେପିର ରାଜ୍ୟ ସଭାପତି ବସନ୍ତ ପଣ୍ଡା ।