ଧାନବିକ୍ରି ପାଇଁ ଅଡୁଆରେ ଚାଷୀ ! ହୋଇପାରୁନାହିଁ ପଂଜୀକରଣ, ସଂପୃକ୍ତ ବିଭାଗ କର୍ମଚାରୀମାନେ ବସିଛନ୍ତି ଆନ୍ଦୋଳନରେ
କନକ ବ୍ୟୁରୋ : ସମବାୟ ସମିତି ରେଜିଷ୍ଟ୍ରାରରେ ସମସ୍ତ ଆଂଚଳିକ କାର୍ଯ୍ୟାଳୟକୁ ଲେଖିଥିବା ଚିଠି । ଏହାର ତଥ୍ୟ ଅନୁସାରେ ଖରିଫ ଧାନ ବିକିବା ପାଇଁ ରାଜ୍ୟରେ ପଂଜୀକୃତ ଚାଷୀଙ୍କ ସଂଖ୍ୟାରେ ଆଶାତୀତ ହ୍ରାସ ଘଟିଛି । ଚଳିତ ମାସ ୮ ତାରିଖ ସୁଦ୍ଧା ସମଗ୍ର ରାଜ୍ୟରେ ୧୯ ଲକ୍ଷ ୯୫ହଜାର ଚାଷୀଙ୍କୁ ପଂଜୀକରଣ କରିବାକୁ ଲକ୍ଷ ରଖାଯାଇଥିବା ବେଳେ ମାତ୍ର ୯ ଲକ୍ଷ ୭୪ ହଜାର ଚାଷୀଙ୍କ ପଂଜୀକରଣ କରାଯାଇପାରିଛି।
Kanak News is now on WhatsApp
Join and get latest news updates delivered to you via WhatsApp
କେବଳ ସୋନପୁର ଜିଲ୍ଲାକୁ ଛାଡି ଅନ୍ୟ ସବୁ ଜିଲ୍ଲାରେ ପଂଜୀକରଣ ହାର ଅହେତୁକ ଭାବେ କମିଥିବାକୁ ନେଇ ବିଭାଗ ଉଦବେଗ ପ୍ରକାଶ କରିଛି । ଏପରିକି ୨୦୧୬ରେ ପଂଜୀକୃତ ୨ ଲକ୍ଷ ୧୨ ଡଜାର ଚାଷୀଙ୍କ ପଂଜୀକରଣକୁ ମଧ୍ୟ ନବୀକରଣ କରାଯାଇପାରିନାହିଁ ।
କାହିଁକି କମିଲା ପଂଜୀକରଣ ?
ସମବାୟ ସମିତି କର୍ମଚାରୀ ଓ ଲ୍ୟାମ୍ପସ କର୍ମଚାରୀ ଏବଂ ପ୍ରତିନିଧି ୫ ଦଫା ଦାବୀ ନେଇ ରାଜଧାନୀରେ ଆନ୍ଦୋଳନ ଚଳାଇଛନ୍ତି । ଯାହା ପଂଜୀକରଣ କାର୍ଯ୍ୟରେ ବାଧାସୃଷ୍ଟି କରୁଛି । ସରକାରଙ୍କ ଡେଡ୍ ଲାଇନ ସତ୍ୱେ ଦାବୀ ପୂରଣ ନହେଲେ ସହଯୋଗ କରିବେନି ବୋଲି ଧମକ ଦେଇଛି ସଂଘ । ମରୁଡି ଓ ଚକଡା ପୋକ ପରେ ଏବେ ଅଦିନିଆ ବର୍ଷା ଚାଷୀର ମେରୁଦଣ୍ଡ ଭାଙ୍ଗି ଦେଇଛି । ତେଣୁ ଖରିଫ ଧାନ କେମିତି ବିକିବ ସେ ନେଇ ଏବେ ଚାଷୀକୂଳ ଚିନ୍ତାରେ ।