ସ୍କୁଲ ବହିରେ ତ୍ରୁଟି ! ମିଲଖା ସିଂହଙ୍କ ସ୍ଥାନରେ ଲାଗିଲା ଫରହାନ ଅଖତାରଙ୍କ ଫଟୋ, ସୋସିଆଲ ମିଡିଆରେ ଜୋରଦାର ଚର୍ଚ୍ଚା ।
ଭାଗ ମିଲଖା ଭାଗ ! ଏହି ଚଳଚିତ୍ର ପାଇଁ ଫରହାନ ଅଖତାର ସାଉଁଟିଥିଲେ ଅନେକ ପ୍ରଶଂସା । ପଶ୍ଚିମବଙ୍ଗର ଏକ ସ୍କୁଲରେ ମିଲଖା ସିଂହଙ୍କୁ ଦେଖାଇବା ପାଇଁ ଫରହାନ ଅଖତାରଙ୍କ ଫଟୋ ବ୍ୟବହାର କରାଯାଇଛି । ଆଉ ଏହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏପରିକି ଶିକ୍ଷା ବ୍ୟବସ୍ଥାରେ ଏଭଳି ତ୍ରୁଟି ଥିବାରୁ ଲୋକମାନଙ୍କ ମଧ୍ୟରେ ଅସନ୍ତୋଷ ତେଜିବାରେ ଲାଗିଛି । ଏବଂ ଛୋଟ ପିଲାମାନଙ୍କ ଭବିଷ୍ୟତ ସହ ପ୍ରଶାସନ ଖେଳ ଖେଳୁଥିବା ଅଭିଯେ୍ଧଜ୍ଞ ମଧ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଖବର ବଲିଉଡ ଅଭିନେତା ଫରହାନ ଅଖତାରଙ୍କ ପାଖରେ ପହଞ୍ଚିବା ପରେ, ସେ ତୁରନ୍ତ ଏହି ଛବିକୁ ବହିରୁ ହଟାଇବା ପାଇଁ ପଶ୍ଚିମବଙ୍ଗର ଶିକ୍ଷା ମନ୍ତ୍ରାଳୟକୁ ଟ୍ୱିଟ ଜରିଆରେ କହିଛନ୍ତି । ସେ କହିଛନ୍ତି ଯେ, ବହିରେ ମିଲଖା ସିଂହଙ୍କୁ ଦେଖାଇବାରେ ଶିକ୍ଷା ମନ୍ତ୍ରାଳୟ ଭୁଲ କରିଛି । ଏବଂ ତୁରନ୍ତ ଏଥିରେ ପରିବର୍ତ୍ତନ କରିବା ପାଇଁ ସେ ଅନୁରୋଧ କରିଛନ୍ତି ।
ତେବେ ଏହି ଘଟଣା ସେତେବେଳେ ଜଣାପଡିଥିଲା, ଯେତେବେଳେ ଜଣେ ଟ୍ୱିଟର ବ୍ୟବହାରକାରୀ ଏହାକୁ ସେୟାର କରିଥିଲେ । ଏବଂ ସେଥିରେ ଉଲ୍ଲେଖ କରିଥିଲେ ଯେ, ପଶ୍ଚିମ ବଙ୍ଗଳାର ଏକ ସ୍କୁଲରେ ବହିରେ ମିଲଖା ସିଂହଙ୍କ ଜାଗାରେ ବଲିଉଡ ଅଭିନେତା ଫରହାନ ଅଖତାରଙ୍କ ଫଟୋ ବ୍ୟବହାର କରାଯାଇଛି । ତେବେ ମିଲଖା ସିଂହଙ୍କ ବାୟୋଗ୍ରାଫି ଚଳଚିତ୍ରରେ ଅଭିନୟ କରିଥିଲେ ବଲିଉଡ ଅଭିନେତା ଫରହାନ ଅଖତାର । ଏବଂ ଏହି ଫିଲ୍ମ ମଧ୍ୟ ହିଟ୍ ହୋଇଥିଲା ।