ଫିଲ୍ମ ଦୁନିଆରୁ ଗାଏବ ଇମ୍ରାନ ଖାନ ହଠାତ୍ ଆସିଯାଇଛନ୍ତି ଚର୍ଚ୍ଚାରେ : ଅଭିନେତା ଇମ୍ରାନ ଖାନଙ୍କୁ ପାକିସ୍ତାନୀ ପ୍ରଧାନମନ୍ତ୍ରୀ ଭାବି ଫ୍ୟାନ୍ସ ଦେଲେ ଶୁଭେଚ୍ଛା
ବଲିଉଡ ଅଭିନେତା ଇମ୍ରାନ ଖାନ ଲମ୍ବା ସମୟ ଧରି ଫିଲ୍ମି ଦୁନିଆରୁ ଗାଏବ ଅଛନ୍ତି । ମାତ୍ର ପାକିସ୍ତାନର ରାଜନୀତି କାରଣରୁ ତାଙ୍କ ନାଁ ଏବେ ହଠାତ୍ ଚର୍ଚ୍ଚାରେ ଆସିଯାଇଛି । ପ୍ରଶଂସକମାନେ ଅଭିନେତା ଇମ୍ରାନ ଖାନଙ୍କୁ ପାକିସ୍ତାନର ପ୍ରଧାନମନ୍ତ୍ରୀ ବନାଇ ଦେଇଛନ୍ତି । ଏହାପଛର କାରଣ ଗସିପ ନୁହେଁ ବରଂ ଫ୍ୟାନ୍ସ ମାନଙ୍କ ମଧ୍ୟରେ ଥିବା ଭୁଲ ବୁଝାମଣା ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ହେବ ପାକିସ୍ତାନର ନିର୍ବାଚନ ଫଳାଫଳରେ ସବୁଠାରୁ ବଡ ଦଳର ନେତା ହେବା କାରଣରୁ ଇମ୍ରାନ ଖାନଙ୍କୁ ପାକିସ୍ତାନର ପ୍ରଧାନମନ୍ତ୍ରୀ ହେବା ନିଶ୍ଚିତ । ମାତ୍ର ଅନେକ ଲୋକ ଏକାଭଳି ନାଁ କାରଣରୁ ଭୁଲ ବୁଝାମଣାର ଶିକାର ହୋଇଛନ୍ତି, ଯେଉଁକାରଣରୁ ଅଭିନେତା ଇମ୍ରାନ ଖାନଙ୍କୁ ହିଁ ପ୍ରଧାନମନ୍ତ୍ରୀ ଭାବି ନେଇଛନ୍ତି । ଅଭିନେତା ଇମ୍ରାନଙ୍କୁ ଏହି କାରଣରୁ ଅନେକ ସନ୍ଦେଶ ଏବଂ ଶୁଭେଚ୍ଛା ମିଳିବାରେ ଲାଗିଛି । ଏହି ବିଷୟର ଖୁଲାସା ନିଜେ ଅଭିନେତା ଇମ୍ରାନ କରିଛନ୍ତି । ଇନଷ୍ଟାଗ୍ରାମରେ ପୋଷ୍ଟ ଗୁଡିକୁ ସେ ସ୍କ୍ରିନ ସଟ ନେଇ ଶେୟାର କରି ଏହାର ସୂଚନା ଦେଇଛନ୍ତି ।