ମିହିର ଓ ଅନୁଙ୍କ ପରେ ପଦ୍ମ ପୋଖରୀକୁ ଡେଇଁଲେ ମହାଶ୍ୱେତା ! ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ବିଜେପିରେ ସାମିଲ ହେବେ ପ୍ରଖ୍ୟାତ ଅଭିନେତ୍ରୀ ମହାଶ୍ୱେତା ରାୟ
କନକ ବ୍ୟୁରୋ: ମିହିର ଦାସ ଓ ଅନୁ ଚୌଧୁରୀଙ୍କ ପରେ ବିଜେପିରେ ସାମିଲ ହେବେ ପ୍ରଖ୍ୟାତ ଅଭିନେତ୍ରୀ ମହାଶ୍ୱେତା ରାୟ । ଆଜି ଦିନ ୧୧ଟାରେ ସେ ରାଜ୍ୟ ବିଜେପି କାର୍ଯ୍ୟାଳୟରେ ବିଧିବଦ୍ଧ ଭାବେ ଦଳରେ ଯୋଗଦେବେ । ରାଜନୀତି ପ୍ରତି ତାଙ୍କର ପିଲାଦିନୁ ରୁଚି ରହିଥିବା କିନ୍ତୁ ଅଭିନୟ କ୍ଷେତ୍ରକୁ ଆସିବାର ଅନେକ ଦିନ ପରେ ତାଙ୍କୁ ଏହି ସୁ ଯୋଗ ମିଳିଲା ବୋଲି କହିଛନ୍ତି ମହାଶ୍ୱେତା ।
Kanak News is now on WhatsApp
Join and get latest news updates delivered to you via WhatsApp
ଖାଲି ଏତିକି ନୁହେଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବ୍ୟକ୍ତିତ୍ୱ ତଥା ଆଦର୍ଶରେ ଅନୁପ୍ରାଣିତ ହୋଇ ସେ ବିଜେପିରେ ଶାମିଲ ହେଉଛନ୍ତି ବୋଲି ପ୍ରକାଶ ମଧ୍ୟ କରିଛନ୍ତି । ଏଥାପାଇଁ ତାଙ୍କୁ ବହୁତ ଥର ଭାବିବାକୁ ପଡିଛି ବୋଲି ସେ କହିଛନ୍ତି । ନବୀନଙ୍କ ଉପରେ ମତ ରଖି ମହାଶ୍ୱେତା କହିଛନ୍ତି କି, ବିଜୁ ଓ ନବୀନଙ୍କ ମଧ୍ୟରେ ଆକାଶ ପାତାଳ ଫରକ ରହିଛି । ନବୀନ ଶାସନରେ ଆଜି ନାରୀ ଅସୁରକ୍ଷିତ ଏବଂ ଅବହେଳିତ ବୋଲି ସେ ମତ ଦେଇଛନ୍ତି ।
ଏଠାରେ ଆମେ କହି ରଖୁଛୁ କି, ୨୦୧୯ ନିର୍ବାଚନ ଯେତିକି ପାଖେଇ ଆସୁଛି, ଓଡ଼ିଶା ପଲିଟିକ୍ସର ସେତିକି ପାଖେଇ ଆସୁଛି ଓଲିଉଡ୍ । ନିକଟରେ ଦୁଇ ଲୋକପ୍ରିୟ ସିନେଷ୍ଟାର ମିହିର ଦାସ ଓ ଅନୁ ଚୋଧୁରୀ ମିଶିଛନ୍ତି ବିଜେପିରେ । ଅବଶ୍ୟ ୨୦୧୪ ନିର୍ବାଚନ ବେଳେ ମିହିର ଦାସ ଯୋଗ ଦେଇଥିଲେ ବିଜେଡିରେ । ତେବେ ବିଜେଡିରେ ତାଙ୍କ କ୍ୟାରିୟର ଅଧିକ ଆଗକୁ ଯାଇ ପାରିନଥିଲା ।
ବିଜେପିରେ ମିଶି ଲୋକଙ୍କ ପାଇଁ କାମ କରିବାକୁ ଆଗ୍ରହୀ ବୋଲି ମିହିର ଦାସ କହିଛନ୍ତି । ଏତେ ଦିନର ଶାସନ ପରେ ବି ଓଡିଶା ପଛୁଆ ରାଜ୍ୟ ହୋଇ ରହିବା ଦୁର୍ଭାଗ୍ୟଜନକ ବୋଲି ସେ କହିଛନ୍ତି । ଏହା ସହ କଳା ଓ ସଂସ୍କୃତିର ବିକାଶ ପାଇଁ ରାଜ୍ୟ ସରକାର କୌଣସି ପଦକ୍ଷେପ ନେଉନଥିବା କ୍ଷୋଭର ସହ କହିଛନ୍ତି ଓଲିଉଡର ଏହି ଲୋକପ୍ରିୟ ଅଭିନେତା ।