ଫେସବୁକରେ ସକ୍ରିୟ ହେଉଛି ଫେକ ଲାଇକ୍ ଓ କମେଣ୍ଟ ସୃଷ୍ଟି କରୁଥିବା ସଫ୍ଟଓୟାର !
ଫେସବୁକର ସୁରକ୍ଷା ବଳୟରେ ତୃଟି ଯୋଗୁଁ ଏକ ନିୟୁତରୁ ଅଧିକ ସଂଖ୍ୟକ ଅସଲି ଏବଂ ନକଲି ଆକାଉଣ୍ଟସ୍ ଫେକ୍ ଲାଇକ ଏବଂ କମେଣ୍ଟ ପାଇବାରେ ସଫଳ ହୋଇଛନ୍ତି । ତୃଟି ହେତୁ ଫେକ ଲାଇକ୍ ଓ କମେଣ୍ଟ ସୃଷ୍ଟି କରୁଥିବା ସଫ୍ଟଓୟାରଗୁଡ଼ିକ ସକ୍ରିୟ ହୋଇଉଠିଛନ୍ତି । ଫଳରେ ଅତିକମ୍ରେ ୧୦୦ ମିଲିୟନ୍ ଲାଇକ୍ ଏବଂ କମେଣ୍ଟ୍ ସୃଷ୍ଟି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମେରିକାରେ ଥିବା ୟୁନିଭରସିଟି ଅଫ୍ ଆଇଓ୍ଵା ଏବଂ ପାକିସ୍ତାନରେ ଥିବା ଲାହୋର୍ ୟୁନିଭରସିଟି ଅଫ୍ ମ୍ୟାନେଜ୍ମେଣ୍ଟ୍ ସାଇନ୍ସ ଏକ ଅନୁଧ୍ୟାନ ଜରିଆରେ ସଂପୃକ୍ତ ଫେକ୍ ଲାଇକ୍ ଓ କମେଣ୍ଟର ସନ୍ଧାନ ପାଇଛନ୍ତି । ଯେହେତୁ ଅଧିକ ଲାଇକ ଓ କମେଣ୍ଟ ପାଉଥିବା ପୋଷ୍ଟ ଫେସବୁକରେ ଅଧିକ ପ୍ରଦର୍ଶିତ ହୋଇଥାଏ ତେଣୁ କେତେକ ବ୍ୟବହାରକାରୀ ଫେକ ଲାଇକ୍ ଓ କମେଣ୍ଟ ସୃଷ୍ଟି କରୁଥିବା ସଫ୍ଟସୟାରଗୁଡ଼ିକର ଉପଯୋଗ କରନ୍ତି । ବ୍ୟବହାରକାରୀଙ୍କୁ ନିଜ ଆକାଉଣ୍ଟ୍କୁ ବ୍ୟାପକ୍ ଲାଇକ୍ ସୃଷ୍ଟିକାରୀ ନେଟ୍ଓ୍ଵର୍କ ସହ ପରିଚିତ କରାଇବାକୁ ହୋଇଥାଏ । ଫଳରେ ତାଙ୍କ ଆକାଉଣ୍ଟ୍ ବହୁ ସଂଖ୍ୟକ ଲାଇକ୍ ପାଇପାରିବ ବୋଲି ଗବେଷକ ମତ ଦେଇଛନ୍ତି । ଟିମ୍ ପକ୍ଷରୁ ଚେତାବନୀ ମିଳିଛି ଯେ ଏହାର ଖରାପ ପାର୍ଶ୍ୱ ମଧ୍ୟ ରହିଛି ।