ବଦନାମ ବାବାଙ୍କ ଦ୍ୱିତୀୟ ତାଲିକା ଦେଲା ଅଖିଳ ଭାରତୀୟ ଆଖଡା ପରିଷଦ ! ତାଲିକାରେ ବୀରେନ୍ଦ୍ର ଦିକ୍ଷିତ, ସଚ୍ଚିଦାନନ୍ଦ ସରସ୍ୱତୀ ଓ ତ୍ରିକାଳ ଭବନ୍ତା
କନକ ବ୍ୟୁରୋ: ଅଖିଳ ଭାରତୀୟ ଆଖାଡା ପରିଷଦ ଆଉ ତିନି ଜଣ ବାବାଙ୍କୁ ଭଣ୍ଡ ବୋଲି ଘୋଷଣା କରିଛି । ଦିଲ୍ଲୀର ବିରେନ୍ଦ୍ର ଦୀକ୍ଷିତ ଓରଫ କାଲନେମି, ବସ୍ତରର ସଚ୍ଚିଦାନନ୍ଦ ସରସ୍ୱତୀ ଓ ଆହ୍ଲାବାଦର ସାଧ୍ୱୀ ତ୍ରିକାଲ ଭବନ୍ତାଙ୍କୁ ଭଣ୍ଡ ଘୋଷଣା କରାଯାଇଛି । ସେହିପରି କୋର୍ଟ ରାୟ ଆସିବା ଯାଏଁ ରାଜସ୍ଥାନ ଅଲବାରର ଫଳହାରୀ ବାବାଙ୍କୁ ନିଲମ୍ବିତ କରିଛି ଆଖାଡା ପରିଷଦ ।
Kanak News is now on WhatsApp
Join and get latest news updates delivered to you via WhatsApp
ଆହ୍ଲାବାଦ ମଠ ବାଘମ୍ବରୀ ଗଦ୍ଦି ଠାରେ ଆୟୋଜିତ ୧୩ ଆଖାଡା ପରିଷଦର ପଦାଧିକାରୀଙ୍କ ବୈଠକରେ ଏହି ଘୋଷଣା କରାଯାଇଛି । ଆଖାଡା ପରିଷଦ ଅଧ୍ୟକ୍ଷ ସ୍ୱାମୀ ନରେନ୍ଦ୍ର ଗିରିଙ୍କ ଅଧ୍ୟକ୍ଷତାରେ ବସିଥିବା ବୈଠକର ନିଷ୍ପତିକୁ ସମସ୍ତେ ସମ୍ମତି ଦେଇଛନ୍ତି । ଆଗକୁ ଭଣ୍ଡ ଘୋଷିତ ବାବାଙ୍କୁ ସନ୍ଥ ସମାଜର କୌଣସି ଧାର୍ମିକ ଆୟୋଜନରେ ସାମିଲ କରାଯିବ ନାହିଁ । ସେ ମାଘ ମେଳା ହେଉ ବା କୁମ୍ଭ ମେଳା ।