ଆତ୍ମହତ୍ୟା କଲେ ରୋକିବ ଫେସବୁକ୍ ! ଯୁବଗୋଷ୍ଠୀଙ୍କ ସନ୍ଦିଗ୍ଧ ଗତିବିଧି ଉପରେ ରଖିବ ନଜର
ଯୁବଗୋଷ୍ଠେୀଙ୍କ ମଧ୍ୟରେ ଧୀରେ ଧୀରେ ଆତ୍ମହତ୍ୟା ପ୍ରବଣତା ବଢ଼ିବାରେ ଲାଗିଛି । ସାଧାରଣତଃ ଅନେକ ସମୟରେ ଖବର ଶୁଣିବାକୁ ମିଳେ କି ଖୁବ୍ କମ୍ ବୟସର ପିଲାମାନେ କୌଣସି ନା କୌଣସି କାରଣରୁ ଆତ୍ମହତ୍ୟା ଭଳି ବଡ ପଦକ୍ଷେପ ଉଠାଇଥାନ୍ତି । କେବଳ ଯେ ଆତ୍ମହତ୍ୟା କହୁଛନ୍ତି, ତା’ନୁହେଁ ଫେସବୁକରେ ଲାଇଭ କରି ଆତ୍ମହତ୍ୟା କରୁଛନ୍ତି । ଏହାକୁ ନଜରେ ରଖି ଫେସବୁକ ଏକ ନୂଆ ପ୍ରକ୍ରିୟା ଆରମ୍ଭ କରିବାକୁ ଯାଉଛି । ଫେସବୁକ୍ ବ୍ୟବହାରକାରୀଙ୍କୁ ଆତ୍ମହତ୍ୟାରୁ ନିବୃତ ରଖିବା ପାଇଁ ଫେସବୁକ ଏକ ସଫ୍ଟୱେର ଉପରେ କାମ କରୁଛି । ଏହି ସଫ୍ଟୱେର ଜରିଆରେ ଫେସବୁକ ଆତ୍ମହତ୍ୟା ଜନିତ ପୋଷ୍ଟ ଗୁଡିକୁ ସ୍କାନ କରିବା ସହ ସେମାନଙ୍କ ଉପରେ ନଜର ରଖିବ । ଦରକାର ପଡ଼ିଲେ, ଗ୍ରାହକଙ୍କୁ ମାନସିକ ଶାନ୍ତି ପାଇଁ ସୁବିଧା ଯୋଗାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଗତ ମଙ୍ଗଳବାର ଦିନ ଫେସବୁକ ଏକ ପୋଷ୍ଟ ଜରିଆରେ ସୂଚନା ଦେଇଥିଲା, ଫେସବୁକ ଆର୍ଟିଫିସିଆଲ ଇଂଟେଲିଜେନସଙ୍କ ସାହାଯ୍ୟରେ ଗ୍ରାହକଙ୍କ କମେଂଟ, ପୋଷ୍ଟ, ଶେୟାରିଙ୍ଗ ସହ ଫେସବୁକ ଲାଇଭ ଭିଡିଓକୁ ପ୍ରଥମେ ଯାଂଚ କରାଯିବ । ଆଉ ଏହି ଯାଂଚ ପ୍ରକ୍ରିିୟାରୁ ଜଣାପଡ଼ିବ ଗ୍ରାହକ ଆତ୍ମହତ୍ୟା ପାଇଁ ଚେଷ୍ଟା କରୁଛି କି ? ଆର୍ଟିଫିସିଆଲ ଇଂଟେଲିଜେନସ ଉପରେ ଆଧାରିତ ଏହି ସଫ୍ଟୱେରର ସଫଳ ପରୀକ୍ଷଣ ଆମେରିକାରେ ହୋଇସାରିଛି । ଫେସବୁକ ଏବେ ଏହି ବ୍ୟବସ୍ଥାକୁ ଅନ୍ୟ ଦେଶରେ ଆରମ୍ଭ କରିବାକୁ ଯାଉଛି । ଫେସବୁକ ଲାଇଭ ମାଧ୍ୟମରେ ଯଦି କେହି ଆତ୍ମହତ୍ୟା କରିବା ପାଇଁ ଭାବନ୍ତି, ତେବେ ଏହି ଫିଚର ସାହାଯ୍ୟରେ ସେମାନଙ୍କର ପରିବାର ଓ ବନ୍ଧୁ ମାନଙ୍କୁ ସତର୍କ କରାଇଦିଆଯିବ । ଫେସବୁକର ପ୍ରତିଷ୍ଠାତା ମାର୍କ ଜୁକରବର୍ଗ ମଧ୍ୟ ଏହି ବିଷୟରେ ମାର୍ଚ୍ଚ ମାସରେ ସୂଚନା ଦେଇ ଦେଇଥିଲେ । ସେ କହିଥଥିଲେ ‘ଦୁନିଆରେ ପ୍ରତି ୪୦ ସେକେଣ୍ଡରେ ଜଣେ ଆତ୍ମହତ୍ୟା କରୁଛନ୍ତି । ୧୫ରୁ ୨୯ ବର୍ଷର ପିଲାମାନଙ୍କ ମୃତ୍ୟୁ ପଛରେ ଏହା ଦ୍ୱିତୀୟ ମୁଖ୍ୟ କାରଣ । ଏହାକୁ ରୋକିବା ପାଇଁ ସମସ୍ତଙ୍କୁ ସଚେତନ କରିବା ସହ ବୁଝାଇବା ଦରକାର । ’
ଏହି ସପ୍ଟୱେର କିଭଳି କରିବ କାର୍ଯ୍ୟ?
ଫେସବୁକ ଏହି ଟୁଲ ପାଇଁ ଖାସ ଏଲଗୋରିଦିମ ବିକାଶ କରିଛି ଯାହା ବ୍ୟବହାରକାରୀଙ୍କ ପୋଷ୍ଟକୁ ଫିଲଟର
କରିବ । ଏହା ସପ୍ଟୱେର ଜରିଆରେ ସନ୍ଦେହରେ ଥିବା ପୋଷ୍ଟ, କମେଂଟ ଓ ରିପ୍ଲାଇକୁ ଖୋଜାଯାଇପାରିବ । ରେଡ୍ ଫ୍ଲାଗ୍ ମାର୍କ କରିବା ପରେ ଫେସବୁକ ଟିମ ଗ୍ରାହକଙ୍କୁ ସମ୍ପର୍କ କରି ସାହାଯ୍ୟ କରିବେ । ଲାଇଭ ଭିଡିଓ ଦେଖୁଥିବା ବ୍ୟକ୍ତିଙ୍କୁ ମଧ୍ୟ ଆତ୍ମହତ୍ୟାକାରୀଙ୍କ ସହ ସିଧାସଳଖ କଥାହେବା ପାଇଁ ଓ ଭେଡିଓ ବିଷୟରେ ରିପୋର୍ଟ ପାଇଁ ଅପସନ ଦିଆଯିବ । ଯେ କୌଣସି ବ୍ୟକ୍ତି ଭିଡିଓ ବିଷୟରେ ରିପୋର୍ଟ କରିବେ ସେହି ଭିଡିଓରେ ଥିବା ବ୍ୟକ୍ତିଙ୍କୁ ଫେସବୁକ ସାହାଯ୍ୟ କରିବ । ଏହା ବ୍ୟତୀତ ଫେସବୁକ ମେସେଂଜର ଜରିଆରେ କ୍ରାଇସିସ ସପୋର୍ଟ ସଙ୍ଗଠନ ମଧ୍ୟ ଲାଇଭ ଚାଟ ପାଇଁ ସାହାଯ୍ୟ କରିବ ।