ହ୍ୱାଟସଅପ ଭଳି ଫେସବୁକରେ ମଧ୍ୟ ଆସିପାରିବ ମେସେଜ ଅନସେଣ୍ଡ ଅପସନ !, ଜାଣନ୍ତୁ କେବେ ଓ କିପରି ହେବ ଆରମ୍ଭ
ହ୍ୱାଟସଅପରେ ଭୁଲ ବଶତଃ କୌଣସି ମେସେଜ ସେଣ୍ଡ ହୋଇଯାଏ ତେବେ ଏହାକୁ ୪୦୯୬ (୬୮ମିନିଟ ଏବଂ ୧୬ସେକେଣ୍ଡ ) ମଧ୍ୟରେ ଏହାକୁ ଡିଲିଟ କରାଯାଇପାରିବ । ବର୍ତ୍ତମାନ ଏଭଳି ଖବର ଶୁଣିବାକୁ ମିଳିଛି ଯେ ଫେସବୁକ ମଧ୍ୟ ମେସେଞ୍ଜରରେ ଏହି ଅପସନ ଆଣିବା ଲାଗି ପ୍ରୟାସ ଚଳାଇଛି । ‘ଟେକ କ୍ରଂଚ’ର ରିପୋର୍ଟ ମୁତାବକ ଫେସବୁକ ମେସେଞ୍ଜର ଆପରେ ମଧ୍ୟ ଅନସେଣ୍ଡ ଅପସନ ଦେବା ପାଇଁ ପ୍ରସ୍ତୁତି ଚାଲିଛି । ଏଠାରେ ଆମେ କହି ରଖୁଛୁ ଯେ ମାର୍କ ଜୁକରବର୍ଗଙ୍କ ଦ୍ୱାରା ପଠାଯାଇଥିବା ମେସେଜକୁ ଲୁକାୟିତ ଭାବେ ଡିଲିଟ କରାଯାଉଛି ବୋଲି କମ୍ପାନୀ ସ୍ୱୀକାର କରିଛି । ଫେସବୁକର ଏହି ପଦକ୍ଷେପ ପରେ ଆଶା କରାଯାଉଛି ଯେ ମାର୍କ ଜୁକରବର୍ଗଙ୍କ ମେସେଜ ଡିଲିଟ ହେବା ଟେଷ୍ଟିଙ୍ଗର ଅଂଶ ହୋଇପାରେ । କାରଣ କିଛି ଦିନ ପୂର୍ବେ ହ୍ୱାଟସଅପରେ ଏହି ଫିଚର ଦିଆଯାଇଛି । ମାତ୍ର ଏପର୍ଯ୍ୟନ୍ତ ଫେସବୁକ ଏହି ମାମଲାରେ କୌଣସି ସଠିକ ବୟାନ ଦେଇ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଟେକକ୍ରଂଚଙ୍କ ସହ ଏକ ସାକ୍ଷାତକାରରେ ଫେସବୁକ ଏହି ଯୋଜନା ସମ୍ବନ୍ଧିତ ଖୁଲାସା କରି କହିଥିଲେ ଯେ କମ୍ପାନୀ ଫେସବୁକ ୟୁଜର୍ସଙ୍କ ପାଇଁ ପଠାଯାଇଥିବା ମେସେଜ ଡିଲିଟ କରିବା ଫିଚର ଉପରେ କାମ କରୁଛି । ଫେସବୁକ ମୁତାବକ, ୨୦୧୪ରେ ସୋନି କମ୍ପାନୀର ଇ-ମେଲ ହ୍ୟାକ ହେବା ପରେ କମ୍ପାନୀ ନିଜର ନିଜର ପରିଚାଳକଙ୍କ ସୁରକ୍ଷା ପାଇଁ କିଛି ପରିବର୍ତ୍ତନ କରିଥିଲେ । ଏଥିମଧ୍ୟରୁ ମାର୍କ ପଠାଇଥିବା ମେସେଜକୁ ନିର୍ଦ୍ଧାରିତ ସମୟ ମଧ୍ୟରେ ଡିଲିଟ କରିବା ମଧ୍ୟ ସାମିଲ ରହିଛି । ଏଭଳି ସେମାନେ ଆଇନ ଅଧିନରେ ରହି କରିଥିବା ଜଣାଇଛନ୍ତି । ଫେସବୁକ ଏବେ ପର୍ଯ୍ୟନ୍ତ କିଛି ସୂଚନା ଦେଇ ନାହିଁ ଯେ ଏହି ଫିଚର କିଭଳି କାମ କରିବ ବରଂ ଜଣାଇଛି କେବଳ ଏହା ଉପରେ କାମ ଚାଲିଛି ।