ଭାରତରେ ଏକ ଘଣ୍ଟା ଧରି ବନ୍ଦ ରହିଲା ଫେସବୁକ! ବଲିଉଡ ଅଭିନେତ୍ରୀ ରାଧିକା ଆପ୍ଟେଙ୍କ ଆକାଉଣ୍ଟ ହ୍ୟାକ୍
ଶନିବାର ଭାରତରେ ଫେସବୁକ୍ ସେବା ପ୍ରାୟ ଘଣ୍ଟା ପର୍ଯ୍ୟନ୍ତ ଠପ୍ ହୋଇଯାଇଥିଲା । କମ୍ପୁଟର ଓ ମୋବାଇଲରେ ଫେସବୁକ୍ ସେବା ପୂରା ଧିମା ହୋଇଯାଇଥିଲା । କେବଳ ଭାରତ ନୁହେଁ ବିଶ୍ୱର ଅନେକ ସ୍ଥାନରେ ଗତକାଲି ଫେସବୁକ ସେବା ଏକରକମ ବେହାଲ ହୋଇଯାଇଥିଲା । ଫେସବୁକ୍ ଲଗଇନ୍ କରିବା ପରେ ସାଇଟ ପୂରା ଧିମା ହେଇ ଯାଉଥିଲା । ଫେସବୁକରେ କୌଣସି ନୂଆ ପୋଷ୍ଟ ଅପଡେଟ କଲେ ଫେସବୁକ୍ ଟାଇମଲାଇନରେ ଏକ ମେସେଜ ଆସୁଥିଲା । ଏହି ପୋଷ୍ଟକୁ ଅପଡେଟ କରିବାକୁ ଫେସବୁକ୍ ଅସମର୍ଥ ବୋଲି ବ୍ୟବହାରୀଙ୍କ ଅ।।କାଉଣ୍ଟରେ ଏକ ମେସେଜ ଶୋ କରୁଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଗୋଟିଏ ପଟେ ଫେସବୁକ୍ ସେବା ବ୍ୟାହତ ହୋଇଥିବା ବେଳେ ଅନ୍ୟପଟେ ବଲିଉଡ଼ ଅଭିନେତ୍ରୀ ରାଧିକା ଆପ୍ଟେଙ୍କ ଫେସବୁକ୍ ଆକାଉଣ୍ଟକୁ ପୁଣିଥରେ କେହି ହ୍ୟାକ୍ କରିଛି । ନିଜ ଫେସବୁକ୍ ଆକାଉଣ୍ଟ ହ୍ୟାକ୍ ହୋଇଥିବା ନେଇ ଟ୍ୱିଟ୍ ମାଧ୍ୟମରେ ସୂଚନା ଦେଇଛନ୍ତି ସେ । ତା’ସହିତ ତାଙ୍କୁ ମେସେଞ୍ଜରରେ ମେସେଜ ନ କରିବାକୁ ସେ ଟ୍ୱିଟ୍ କରିଛନ୍ତି ।
ରାଧିକା ଏବେ ଫିଲ୍ମ ‘ବାଜାର’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ତାଙ୍କ ଅପୋଜିଟରେ ନଜର ଆସିବେ ସୈଫ୍ ଅଲ୍ଲୀ ଖାଁ । ତା ସହିତ ରାଧିକା ଏବେ ଏକ ଟିଭି ସିରିଜରେ ନଜର ଆସିବେ । ଏଥିରେ ସେ ଜଣେ ‘ର’ ଏଜେଣ୍ଟର ଭୂମିକାରେ ନଜର ଆସିବେ ।
ସୌଜନ୍ୟ-ଆଜତକ୍