ଫେସବୁକ ଆକାଉଂଟ ଖୋଲିବା ପାଇଁ ବାଧ୍ୟତାମୂଳକ ନୁହେଁ ଆଧାର କାର୍ଡ଼ ! କମ୍ପାନୀ ରଖିଲା ସ୍ପଷ୍ଟୀକରଣ
ଫେସବୁକ୍ ଆକାଉଂଟ ଖୋଲିବା ପାଇଁ ବାଧ୍ୟତାମୂଳକ ହେବ ନାହିଁ ଆଧାର କାର୍ଡ଼ । ଫେସବୁକରେ ନୂଆ ଆକାଉଣ୍ଟ ଖୋଲିବା ସମୟରେ ଆଧାର ପଞ୍ଜିକୃତ ହୋଇଥିବା ନାମକୁ ବ୍ୟବହାର କରିବା ଘଟଣା ଉପରେ କମ୍ପାନୀ ସ୍ପଷ୍ଟୀକରଣ ଦେଇଛି । କମ୍ପାନୀ ତରଫରୁ କୁହାଯାଇଛି ଏକ ଛୋଟ ପରୀକ୍ଷା ଥିଲା, ଯାହା ଶେଷ ହୋଇଯାଇଛି । ଏଥିରୁ ସ୍ପଷ୍ଟ ଜଣାପଡ଼ୁଛି ଫେସବୁକ୍ ସହ ଆଧାର ଡାଟା ଯୋଡ଼ିବା ଦରକାର ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଗତ ବୁଧବାର ଦିନ ଫେସବୁକ ତରଫରୁ ନୂଆ ଆକାଉଂଟ ଖୋଲିବା ପାଇଁ ଆଧାର କାର୍ଡ଼ରେ ବ୍ୟବହାର ହୋଇଥିବା ନାମ ଅନିବାର୍ଯ୍ୟ କରିବା ପାଇଁ କୁହାଯାଇଥିଲା । ଫେସବୁକର ଏହି ପଦକ୍ଷେପ ଯୋଗୁଁ ୟୁଜରଙ୍କ ମନରେ ବିଭିନ୍ନ ପ୍ରକାର ପ୍ରଶ୍ନ ଉଠୁଥିଲା । ଲୋକେ ବିଭିନ୍ନ ଆଶା ଆଶଙ୍କାରେ ମଧ୍ୟରେ ଗତି କରୁଥିଲେ । ତେବେ ଏହି ଆଶଙ୍କାକୁ ଦୂର କରିବା ପାଇଁ ଫେସବୁକ୍ ସ୍ପଷ୍ଟୀକରଣ ଦେଇଛି । ଫେସବୁକର ପ୍ରଡ଼କ୍ଟ ମ୍ୟାନେଜର ଏକ ପୋଷ୍ଟ ରେ ଜଣାଇଛନ୍ତି ଏହା କେବଳ ଏକ ଛୋଟ ଟେଷ୍ଟ ଥିଲା । ଯାହା ଏବେ ଶେଷ ହୋଇଯାଇଛି । ଏହାସହ ସେ ପରାମର୍ଶ ଦେଇଛନ୍ତି ଆଧାରରେ ଦେଇଥିବା ନାମ ଦେଲେ ଆପଣଙ୍କ ମା,ବାପା ଓ ବନ୍ଧୁ ପରିଜନ ଆପଣଙ୍କୁ ସହଜରେ ଚିହ୍ନି ପାରିବେ ।
ଫେସବୁକର ଏହି ପୋଷ୍ଟ ପରେ ସ୍ପଷ୍ଟ ଜଣାପଡ଼ୁଛି ସୋସିଆଲ ମିଡ଼ିଆ ସାଇଟ, ଆପଣଙ୍କ ଆଧାର ସୂଚନା ସଂଗ୍ରହ କିରପାରିବ ନାହିଁ । କିମ୍ବା ଫେସବୁକ ଆକାଉଂଟ ଖୋଇିବା ପାଇଁ ଆଧାର ମଧ୍ୟ ଜରୁରୀ ନୁହେଁ । ଏହା ସମ୍ପୂର୍ଣ୍ଣ ରୂପେ ଆପଣଙ୍କ ଉପରେ ନିର୍ଭର କରୁଛି । ଆପଣ ନୂଆ ଆକାଉଂଟ ଖୋଲିବା ସମୟରେ ଆଧାରରେ ପଞ୍ଜିକୃତ ଥିବା ନାମ ଦେବେ ନା ନାହିଁ ।