କନକ ବ୍ୟୁରୋ: କଟକ ବଡ ମେଡିକାଲରୁ ଆସିଛି ସଂଗୀନ ଅଭିଯୋଗ । ଜଣେ ଡାକ୍ତରୀ ଛାତ୍ରୀ ସିନିଅର୍ ଡାକ୍ତରଙ୍କ ବିରୋଧରେ ଆଣିଛନ୍ତି ଯୌନ ନିର୍ଯାତନା ଅଭିଯୋଗ ।
Kanak News is now on WhatsApp
Join and get latest news updates delivered to you via WhatsApp
ଡେଂଟାଲ ବିଭାଗର ଜଣେ ଛାତ୍ରୀ ଆସୋସିଏଟ୍ ପ୍ରଫେସର ଏବଂ ସିନିଅର୍ ରେସିଡେଂଟ୍ ଡକ୍ଟରଙ୍କ ବିରୋଧରେ ଏହି ଅଭିଯୋଗ ଆଣିଛନ୍ତି । ଏପରିକି ବିଭାଗୀୟ ମୁଖ୍ୟଙ୍କ ନାଁରେ ମଧ୍ୟ ଦୁର୍ବ୍ୟବହାର ଅଭିଯୋଗ ଆଣିଛନ୍ତି ସଂପୃକ୍ତ ଛାତ୍ରୀ ।
ତେବେ ଏନେଇ ମଙ୍ଗଳାବାଗ ଥାନାରେ ଏତଲା ଦିଆଯିବା ପରେ ପୁଲିସ ତନାଘନା ଜାରି ରଖିଛି । ପୋଲିସ, ଛାତ୍ରୀଙ୍କ ଅଭିଯୋଗ ଆଧାରରେ ମାମଲା ରୁଜୁ କରିଛି । ଧାରା ୩୫୪, ୩୫୪-ଏ, ୨୯୪ ଏବଂ ୫୦୬-ଏ’ରେ ମାମଲା ରୁଜୁ ହୋଇଛି । ପୋଲିସ ଘଟଣାକୁ ଗୁରୁତର ସହ ନେବା ସହିତ ଛାତ୍ରୀଙ୍କ ବୟାନ ରେକର୍ଡ କରିଛି । ଛାତ୍ରୀ ନିବାସକୁ ଯାଇ ପୀଡିତାଙ୍କ ବୟାନ ରେକର୍ଡ କରିଛି ।