ଭୁବନେଶ୍ୱର ବୁରୋ, କନକ ନ୍ୟୁଜ୍ : ପୂର୍ବତନ ମୁଖ୍ୟମନ୍ତ୍ରୀ ଗିରିଧର ଗମାଙ୍ଗଙ୍କ ପୁଅ ଆଣିଛନ୍ତି ନିଜ ସ୍ତ୍ରୀ ବିରୋଧରେ ପରକୀୟା ସଂପର୍କର ଅଭିଯୋଗ । ଏକ ସାମ୍ବାଦିକ ସମ୍ମିଳନୀ କରି ପତ୍ନୀ ମୋନିକାଙ୍କ ବିରୋଧରେ ଏଭଳି ସଂଗୀନ ଅଭିଯୋଗ ଆଣିଛନ୍ତି ଶିଶିର ଗମାଙ୍ଗ । ପତ୍ନୀ ମୋନିକାଙ୍କ ବୟ ଫ୍ରେଣ୍ଡ ରହିଛି । ଗୌରବ ଭରାରାଙ୍କ ସହ ସେ ୨୦୧୧ରୁ ଅନୈତିକ ସଂପର୍କରେ ମାତିଛନ୍ତି । ଷଡ ଯନ୍ତ୍ରର ଜାଲ ବିଛାଇ ତାଙ୍କୁ ପ୍ରତାରଣା କରି କୋଟି କୋଟି ଟଙ୍କା ଓ ସୁନା ଲୁଟି ନେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ପରକୀୟା ପ୍ରୀତିରେ ମାତି ନିଜ ନାବାଳକ ପୁଅକୁ ବି ମାରଧର କରୁଥିଲେ ମୋନିକା। ଅନେକ ସମୟରେ ମୋନିକାଙ୍କ ବୟଫ୍ରେଣ୍ଡ ମଧ୍ୟ ପୁଅକୁ ମାରିଛନ୍ତି । ମାନସିକ ଓ ଶାରିରୀକ ନିର୍ଯାତନା ମଧ୍ୟ ଦେଇଛନ୍ତି । ଏନେଇ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ଶିଶିର ଗମାଙ୍ଗ।
ଉତରାଖଣ୍ଡ ନୈନିତାଲର ମୋନିକାଙ୍କୁ ୨୦୦୩ରେ ବିବାହ କରିଥିଲେ ଶିଶିର ଗମାଙ୍ଗ । ଦିଲ୍ଲୀରେ ରହୁଥିଲେ ମୋନିକାଙ୍କ ପରିବାର । ତେବେ ଭୁବନେଶ୍ୱରରେ ଆଦିବାସୀ ରୀତିରେ ମୋନିକାଙ୍କ ହାତ ଧରିଥିଲେ ସେ। ୨୦୦୯ ବେଳକୁ ବୈବାହିକ ଜୀବନରେ ଝଡ ସୃଷ୍ଟି ହୋଇଥିଲାା ପ୍ରେମରେ ଲାଗିଲା ନିଆଁ । ଆଉ ୨୦୧୩ରେ ଉଭୟଙ୍କ ସହମତିରେ ବିବାହ ବିଚ୍ଛେଦ ବି ହେଲା।
ହେଲେ ଏ ମନ ଫଟାଫଟି ବହୁଦିନ ରହି ନଥିଲା ୨୦୧୪ରେ ନିଜ ଭୂଲକୁ ବୁଝି ପାରି ଉଭେୟେ ନିଷ୍ପତି ନେଇଥିଲେ ପୁନଃ ବିବାହ କରିବାକୁ । ଏକାଠି ହୋଇଥିଲେ ମୋନିକା ଓ ଶିଶିର । ହେଲେ ଏହାଥିଲା ସଂପତି ହଡପର ଷଡଯନ୍ତ୍ର । କାରଣ ଏହି ବିବାଦର ସମୟ ଭିତରେ ଗୌରବଙ୍କ ସହ ନିବିଡ ହୋଇସାରିଥିଲେ ମୋନିକା। ୨୦୧୪ ଡିସେମ୍ବର ବେଳକୁ ପତ୍ନୀଙ୍କ ପ୍ରତାରଣା ସଂପର୍କରେ ଜାଣିବାକୁ ପାଇଲେ ଶିଶିର । କିନ୍ତୁ ପୁଅର ସୁରକ୍ଷା ଓ ଲୋକଲଜ୍ଜା ଭୟରେ ଚୁପ ରହିବାକୁ ବାଧ୍ୟ ହୋଇଥିଲେ । ହେଲେ ପୁଅ ଅସୁରକ୍ଷିତ ହୋଇଯିବା ପରେ ଏବେ ଶିଶିର ଆସିଛନ୍ତି ଥାନାକୁ।