କନକ ବ୍ୟୁରୋ: ବଲାଙ୍ଗୀର ଜିଲ୍ଲା ମୁଖ୍ୟ ଡାକ୍ତରଖାନାରେ ଶିଶୁଙ୍କ ଜୀବନ ସହ ଖେଳ । ଡାକ୍ତରଖାନାରେ ଆଡମିଟ ହୋଇଥିବା ଶିଶୁଙ୍କୁ ଦିଆଯାଉଛି ଏକ୍ସପାରୀ ସାଲାଇନ । ୨୦୧୭ ନଭେମ୍ବରର ଏକ୍ସପାରୀ ସାଲାଇନ ଦିଆଯାଥିବା ନେଇ ମେଡିକାଲ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି ରୋଗୀଙ୍କ ସମ୍ପର୍କୀୟ । ଏହାକୁ ନେଇ ରୋଗୀଙ୍କ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ବଲାଙ୍ଗିର ଗାନ୍ଧିନଗର ପଡ଼ାର ଅଚ୍ୟୁତାନନ୍ଦ ସ୍ୱାଇଁ ନିଜ ଝିଅକୁ ଜ୍ୱର ହେଉଥିବାରୁ ଶିଶୁ ଓ୍ୱାର୍ଡରେ ଭର୍ତ୍ତି କରିଥିଲେ। ଗତକାଲି ରାତିରେ ତାଙ୍କ ଝିଅକୁ ସାଲାଇନ ଲଗାଯାଇଥିଲା । ଅଚ୍ୟୁତାନନ୍ଦ ସାଲାଇନ ବୋତଲର ଏକ୍ସପାରୀ ଡେଟ୍ ଦେଖିବାରୁ ଜଣାପଡିଥିଲା ଯେ, ତାହା ନଭେମ୍ବର ୨୦୧୭ରୁ ଏକ୍ସପାରୀ ହୋଇସାରିଛି । ଏହା ପରେ ଅନ୍ୟ ରୋଗୀ ମାନଙ୍କର ସାଲାଇନ ବୋତଲ ଯାଞ୍ଚ କରାଯାଇଥିଲା ।
ଆଉ ତିନି ଜଣ ଶିଶୁ ରୋଗୀଙ୍କୁ ଏକ୍ସପାୟରୀ ସାଲାଇନ ଦିଆଯାଇଥିବା ଜଣାପଡିଥିଲା । ସଙ୍ଗେ ସଙ୍ଗେ ଏ ସଂର୍ପକରେ ଦାୟିତ୍ୱରେ ଥିବା ଡାକ୍ତରଙ୍କୁ କହିବାରୁ, ସେ ପରୀକ୍ଷା କରି ସାଲାଇନ ଗୁଡିକୁ ହଟାଇ ଦେଇଥିଲେ । ତେବେ ଏ ଘଟଣାକୁ ନେଇ ରୋଗୀଙ୍କ ସଂର୍ପକୀୟଙ୍କ ଭିତରେ ଅସନ୍ତୋଷ ଦେଖାଦେଇଛି।