ସମଲିଙ୍ଗୀ ସଂପର୍କକୁ ନେଇ ସ୍ୱୀକାର କଲେ ଦୂତୀ। କନକ ନ୍ୟୁଜକୁ କହିଲେ, ଗାଁର ଜଣେ ସାଥୀଙ୍କ ସହ ରହିଛି ସମ୍ପର୍କ;ପରିବାର ସ୍ୱୀକୃତି ମିଳିଲେ କଥା ଯିବ ଆଗକୁ
କନକ ବ୍ୟୁରୋ: ନିଜ ଜୀବନକୁ ନେଇ ଗୁରୁତ୍ୱପୂର୍ଣ୍ଣ ଖୁଲାସା କରିଛନ୍ତି ଭାରତର ଆଗ ଧାଡିର ସ୍ପ୍ରିଂଟର ଦୂତୀ ଚାନ୍ଦ । ସେ ଏବେ ସମଲିଂଗୀ ସଂପର୍କରେ ଅଛନ୍ତି । ଦୂତୀଙ୍କ ସୂଚନା ଅନୁସାରେ ତାଙ୍କର ଏହି ସାଥୀ ତାଙ୍କ ନିଜ ଗାଁର । ତେବେ ତାଙ୍କର ଏହି ସାଥୀ ଜଣକ କିଏ, ସେ ନେଇ କିଛି ବି ଅଧିକ ଖୁଲାସା କରି ନଥିବା ବେଳେ କିନ୍ତୁ ସେ ବର୍ତ୍ତମାନ ସମଲିଙ୍ଗୀ ସଂପର୍କରେ ଅଛନ୍ତି ବୋଲି ସ୍ୱୀକାର କରିଛନ୍ତି । କନକ ନ୍ୟୁଜକୁ ଦୂତୀ କହିଛନ୍ତି କି, ସମସ୍ତେ ନିଜ ନିଜ ଜୀବନ ସାଥୀ ଚୟନ କରୁଛନ୍ତି । ସେମିତି ମୋ ମନ ବି ଜଣକୁ ପସନ୍ଦ କରିଛି । କିନ୍ତୁ ଏବେ ସେ ସଂପର୍କରେ ମୁଁ କିଛି ଭାବି ନାହିଁ । ଯେହେତୁ ମୋର ଆଗକୁ ବହୁତ ବଡ ବଡ କମ୍ପିଟିସନ ରହିଛି । ହେଲେ ଯଦି ଆମ ସଂପର୍କ ସବୁଦିନ ରହେ ତେବେ ସାରା ଜୀବନ ଆମେ ସାଥି ହୋଇ ଜୀବନ ଯାପନ କରୁବୁ ବୋଲି କନକ ନ୍ୟୁଜକୁ ଦେଇଥିବା ନିଜ ପ୍ରତିକ୍ରିୟାରେ କହିଛନ୍ତି ଦୂତୀ ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରୀ ମଧ୍ୟ କହିଛନ୍ତି କି, ସଭିଏଁ ଚାହାନ୍ତି ଖୁସିରେ ରହିବାକୁ, ଯାହା ହୃଦୟ ଯାହା ସହ ମିଶି ଯାଏ , ସିଏ ତାହା ସହ ସାରା ଜୀବନ ରହିବାକୁ ଇଚ୍ଛା କରେ । ତେବେ ବାଧ୍ୟ ନୁହେଁ କି ଗୋଟିଏ ପୁଅ ଖାଲି ଗୋଟିଏ ଝିଅକୁ ବାହା ହୋଇପାରିବ ଆଉ ଗୋଟିଏ ଝିଅ ଖାଲି ଗୋଟିଏ ପୁଅକୁ ବିବାହ କରିପାରିବ । ସେ ଯୁଗ ଗଲାଣୀ । ଏବେ କିନ୍ତୁ ସମସ୍ତେ ସ୍ୱାଧୀନ ଚାହାନ୍ତି । ନିଜି ଇଚ୍ଛାରେ ବଂଚିବାକୁ ଚାହାନ୍ତି । ଆଉ ନିଜ ପସନ୍ଦରେ ଜୀବନ ସାଥୀ ବାଛିବାକୁ ବି ଚାହାନ୍ତି । ମୁଁ ମଧ୍ୟ ଜଣକୁ ପସନ୍ଦ କରିଛି । ପରିବାର ଲୋକଙ୍କ ସ୍ୱୀକୃତି ମିଳିଲେ ନିଶ୍ଚୟ ଆମ ସଂପର୍କ ଆଗକୁ ଯିବ ବୋଲି କହିଛନ୍ତି ଅଲମ୍ପିଆନ୍ ଆଥଲେଟ୍ ଦୂତୀ ଚାନ୍ଦ ।
ତେବେ ସମଲିଙ୍ଗୀ ସଂପର୍କରେ ଥିବା ନେଇ ଘୋଷଣା କରିବା ପରେ, ଏପରି କରିବାରେ ଦୂତୀ ଏବେ ଦେଶର ପ୍ରଥମ ଆଥଲେଟ୍ ହୋଇଛନ୍ତି । ଜାତୀୟ ଗଣମାଧ୍ୟମକୁ ଦୂତୀ କହିଛନ୍ତି ସେ ତାଙ୍କ ଜୀବନର ଜଣେ ସାଥୀଙ୍କୁ ପାଇଛନ୍ତି । ସମସ୍ତେ ନିଜ ନିଜ ଜୀବନ ସାଥୀ ଚୟନରେ ସ୍ୱାଧୀନତା ପାଇବା ଦରକାର ବୋଲି ସେ କହିଛନ୍ତି । ଏହାସହ ସମଲିଙ୍ଗୀ ଅଧିକାରକୁ ନେଇ ଯେଉଁମାନେ ସଂଘର୍ଷ କରୁଛନ୍ତି ସେମାନଙ୍କୁ ସେ ସମର୍ଥନ କରୁଥିବା ଜଣାଇଛନ୍ତି । ଏହା ଏକ ବ୍ୟକ୍ତିଗତ ଜୀବନର କଥା । ସେ ଏବେ ବିଶ୍ୱ ଚାମ୍ପିଅନସିପ୍ ଉପରେ ଫୋକସ୍ କରୁଛନ୍ତି ।