କେବେ ଆଭିଜାତ୍ୟର ଜୀବନ ଜିଉଁଥିଲେ , ଆଜି ରାସ୍ତାରେ ଭିକ ମାଗୁଛନ୍ତି ଅଫିସର ପରିବାର !
ଲୋକ କୁହନ୍ତି ସମୟର ଗୁଲାମ ମହାରଥି ମଧ୍ୟ ହୋଇଥାନ୍ତି । ସମୟ ଠାରୁ ଆଜି ଯାଏଁ କେହି ବଳବାନ ହୋଇନାହାନ୍ତି ନା ଆଗକୁ ହୋଇପାରିବେ । ସମୟର ଜାଲରେ କେବେ ରାଜା ଯେ ରଙ୍କ ହୋଇଯିବ ତାହା କେହି କହିପାରିବେ ନାହିଁ । ଏଭଳି ଏକ ଘଟଣା ଘଟିଛି ନୂଆଦିଲ୍ଲୀରେ । ଗୋମତୀନଗର ହସ୍ପିଟାଲରେ କେବେ ମୁଖ୍ୟ ମେଡିକାଲ୍ ଅଫିସର ଭାବେ ପଦସ୍ତ ଥିବା ଅଫିସରଙ୍କ ପରିବାର ଏବେ ଭିକ୍ଷା ମାଗି ଜୀବନ ଜିଉଁଛି । ଭଙ୍ଗା ଘରେ ଅଫିସରଙ୍କ ପରିବାରର ଦୁଇ ମହିଳା ସଦସ୍ୟା ଦୟନୀୟ ଅବସ୍ଥାରେ ବହୁ ସମୟରୁ ରହି ଆସୁଛନ୍ତି । ତାଙ୍କ ଦୁଇ ଝିଅ ରାଧା ଏବଂ ମାଣ୍ଡବୀ ଏହି ଭଙ୍ଗା ଘରେ ରହି ଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ମାତକ ହାସଲ କରିଥିବା ଏହି ଦୁଇ ଭଉଣୀଙ୍କ ପିଲାଦିନ ବହୁ ଜାକଜମକରେ କଟିଥିବା ବେଳେ ବର୍ତ୍ତମାନର ସମୟ ଅତି ଦୁର୍ଦ୍ଦିନରେ କଟୁଛି । ଏକ କାର୍ ଦୂର୍ଘଟଣାରେ ଘରର ମୁରବୀଙ୍କ ମୃତ୍ୟୁ ହେବା ପରେ ଦୁଇ ଭଉଣୀ ପାଗଳ ହୋଇଯାଇଥିଲେ ଯାହାଦ୍ୱାରା ଚାକିରୀ କରିବାକୁ ଇଚ୍ଛା ଥିଲେ ମଧ୍ୟ ସେ ଅଧିକ ସମୟ କର୍ମ କ୍ଷେତ୍ରରେ ତିଷ୍ଠି ରହି ପାରୁନଥିଲେ । ଦିନ ଗଡିବା ପରେ ଦୁଇ ଭଉଣୀ ପେଟକୁ ଦାନା ଯୋଗାଡ କରିବା ପାଇଁ ଭିକ ମାଗିବାକୁ ଲାଗିଲେ । ବର୍ତ୍ତମାନ ରୋଟୀ ବ୍ୟାଙ୍କ ନାମକ ଏକ ଟିମ୍ ଏହି ଦୁଇ ଭଉଣୀଙ୍କୁ ଖାଦ୍ୟ ଯୋଗାଇବା ସହ ଯତ୍ନ ମଧ୍ୟ ନେଉଛି ।
