ରାତି ଅଧରେ ଯୁବତୀଙ୍କୁ ପିଟିଥିଲେ, ଆନ୍ଧ୍ରରୁ ଗିରଫ ହେଲେ । ବିଜେଡିର ପୂର୍ବତନ ବିଧାୟକଙ୍କ ବିବାଦୀୟ କାହାଣୀ
କନକ ବ୍ୟୁରୋ : ଫୁଲବାଣୀର ପୂର୍ବତନ ବିଜେଡ଼ି ବିଧାୟକ ଦେବେନ୍ଦ୍ର କହଁରଙ୍କୁ ଗିରଫ କରିଛି ଫୁଲବାଣୀ ସଦର ପୋଲିସ । ଜଣେ ଯୁବତୀ ଓ ତାଙ୍କ ମାଆଙ୍କୁ ଆକ୍ରମଣ କରିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଜାମିନ ନାମଂଜୁର ହେବା ପରେ ଦେବେନ୍ଦ୍ରଙ୍କୁ ଜେଲ ପଠାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଗତ ସେପ୍ଟେମ୍ବର ମାସରେ ସଦର ଥାନା ଅନ୍ତର୍ଗତ ଗୌଡ଼ପଡ଼ା ଅଂଚଳର ଜଣେ ଯୁବତୀ ଥାନାରେ ଅଭିଯୋଗ କରିଥିଲେ ଯେ ତାଙ୍କ ଘରେ ପଶି ଦୁର୍ବ୍ୟବହାର କରିଥିଲେ ଦେବେନ୍ଦ୍ର କହଁର । ତାଙ୍କୁ ଓ ତାଙ୍କ ମାଆଙ୍କୁ ପୂର୍ବତନ ବିଧାୟକ ମାଡ଼ ମାରିଥିବା ନେଇ ମଧ୍ୟ ଅଭିଯୋଗ କରିଥିଲେ ଯୁବତୀ । ଏହି ଅଭିଯୋଗ ଅନୁସାରେ ଆଜି ସଂଧ୍ୟାରେ ଦେବେନ୍ଦ୍ରଙ୍କୁ ଗିରଫ କରିଥିଲା ପୋଲିସ । ତେବେ ଦେବେନ୍ଦ୍ର କହିଛନ୍ତି, ତାଙ୍କୁ ବଦନାମ କରିବା ପାଇଁ ଏପରି ମିଛ ଅଭିଯୋଗ କରାଯାଇଛି । ଏହା ପୂର୍ବରୁ ସୋସିଆଲ ମିଡିଆରେ ଏକ ଅଶ୍ଲୀଳ ଭ ିଡ଼ିଓ ଭାଇରାଲ ହୋଇଥିଲା । ଯେଉଁଥିରେ ଜଣେ ଯୁବତୀଙ୍କ ସହ ଦେବେନ୍ଦ୍ର ଆପତ୍ତିଜନକ ଅବସ୍ଥାରେ ଥିବା ଚର୍ଚ୍ଚା ହୋଇଥିଲା । ତେବେ ମାମଲାର ଗୋଟିଏ ମାସ ପରେ ଦେବେନ୍ଦ୍ରଙ୍କୁ ଗିରଫ କରି ଜେଲ ପଠାଇଛି ପୋଲିସ ।