ଆତଙ୍କବାଦୀଙ୍କୁ ମାତ୍ ଦେବାକୁ ଭାରତ ଓ ଋଷିଆ ସେନାର ମିଳିତ ସମରାଭ୍ୟାସ । ଟ୍ରେନିଂ ନେଲେ ଉଭୟ ଦେଶର ଯବାନ, ଦେଖନ୍ତୁ ଭିଡିଓ
ରାଫେଲ ବିମାନ ଆସିବା ପରେ ଭାରତର ଶକ୍ତି ଉଲ୍ଲେଖନୀୟଭାବେ ବଢିଯିବ ବୋଲି କହିଛନ୍ତି ବାୟୁସେନା ପ୍ରମୁଖ ଏୟାର ଚିଫ ମାର୍ସାଲ ବିଏସ ଧାନୋଆ । ଟେକନଲୋଜୀ ଦୃଷ୍ଟିରୁ ଏହାର ତୁଳନା ନାହିଁ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଯୋଧପୁରସ୍ଥିତ ବାୟୁସେନା ଷ୍ଟେସନ ଗସ୍ତ କରିଥିଲେ ଏବଂ ଭାରତୀୟ ବାୟୁସେନା ତଥା ଋଷିୟାନ ଫେଡେରେସନ ଏୟାରଫୋର୍ସ ମଧ୍ୟରେ ଚାଲିଥିବା ଏକ୍ସ-ଆଭିଆଇନ୍ଦ୍ର ୨୦୧୮ରେ ଭାଗ ନେଉଥିବା ଯବାନଙ୍କ ସହିତ ଆଲୋଚନା କରିବା ଅବସରରେ ସେ ଏକଥା କହିଛନ୍ତି । ଋଷିଆ ଏବଂ ଭାରତୀୟ ବାୟୁସେନା ମଧ୍ୟରେ ଯୋଧପୁରରେ ଚାଲିଥିବା ସାମରିକ ଅଭ୍ୟାସ ଆଜି ଉଦଯାପିତ ହୋଇଯାଇଛି । ଏଥିରେ ଆତଙ୍କବାଦ ସହିତ ମୁକାବିଲା କରିବାର ଉପାୟ ଉପରେ ଅଭ୍ୟାସ କରାଯାଉଛି । ଋଷ ବାୟୁସେନାର ୩୦ ବାୟୁକର୍ମୀ ଯୋଗ ଦେଇଥିଲେ । ସେମାନଙ୍କ ସହିତ ଯୁଦ୍ଧ ବିମାନ, ମାଲବାହୀ ବିମାନ ଏବଂ ହେଲିକପ୍ଟରର ପାଇଲଟ ମଧ୍ୟ ସାମିଲ ଅଛନ୍ତି । ଏହି ଅବସରରେ ବାୟୁସେନାର ଗରୁଡ କମାଣ୍ଡୋମାନେ ଆକାଶମାର୍ଗରୁ ଡେଇଁ ନିଜର ପ୍ରସ୍ତୁତି ପ୍ରଦର୍ଶନ କରିଥିଲେ ।
#AviaIndra2018 : During the ongoing ex Aviaindra between IAF & RFASF, the IAF’s Special Forces ‘GARUD’ undertook an airborne assault operation in an anti-terrorist scenario. The An-32 aircraft of IAF was piloted by a mix crew of IAF & RFASF.
Glimpses of the mission launch. pic.twitter.com/zHXh1ewuVD— Indian Air Force (@IAF_MCC) December 20, 2018
ବାୟୁସେନା ପ୍ରମୁଖଙ୍କୁ ଅଭ୍ୟାସର ବିଭିନ୍ନ ଚରଣ ଏବଂ ପ୍ରଗତି ବାବଦରେ ସୂଚନା ପ୍ରଦାନ କରାଯାଇଥିଲା । ଏହାପରେ ବାୟୁ ସେନା ମୁଖ୍ୟ ଦୁଇ ଦେଶର ବାୟୁସେନା କର୍ମୀମାନଙ୍କ ସହିତ ଆଲୋଚନା କରିଥିଲେ । ଏକ୍ସ-ଆଭିଆଇନ୍ଦ୍ର ଭାରତ-ଋଷ ମଧ୍ୟରେ ସମ୍ପର୍କର ପରିଚାୟକ ଏବଂ ଏହାଦ୍ୱାରା ଦୁଇ ଦେଶର ବାୟୁସେନାଙ୍କ ମଧ୍ୟରେ ପାରସ୍ପରିକ ସହଯୋଗ ଏବଂ ବୁଝାମଣା ବିକଶିତ ହେବ ।