ଏଣିକି ହାତ ପାଆନ୍ତାରେ ମିଳିବ ସରକାରୀ ସୁବିଧା : ଆସନ୍ତା ଅଗଷ୍ଟ ୧୫ ତାରିଖରୁ ଆଉ ଧାଇଁବାକୁ ପଡ଼ିବନି ସରକାରୀ ଦପ୍ତର, ଘରେ ବସି ଅନଲାଇନରେ ପାଇପାରିବେ ସବୁ ସୁବିଧା
କନକ ବ୍ୟୁରୋ : ଏଣିକି ସାଧାରଣ ଲୋକଙ୍କୁ ସରକାରୀ ଅଫିସକୁ ଦଉଡିବାକୁ ପଡିବ ନାହିଁ । ଘରେ ବସି ଅନଲାଇନ ଜରିଆରେ ସମସ୍ତ ସରକାରୀ କାର୍ଯ୍ୟକୁ ସାଧାରଣ ଜନତା କରିପାରିବେ । ଏ ସଂକ୍ରାନ୍ତରେ ଆଜି ବିଧାନସଭାରେ ଏକ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନା ବେଳେ ନବୀନ କହିଛନ୍ତି, ଆସନ୍ତା ଅଗଷ୍ଟ ୧୫ରୁ ସରକାରୀ କାର୍ଯ୍ୟ ପାଇଁ ଆଉ ସରକାରୀ ଅଫିସକୁ ଦଉଡିବାକୁ ପଡିବ ନାହିଁ । ଲୋକଙ୍କୁ ଦୁଆର ମୁହଁରେ ସରକାରୀ ସୁବିଧା ଯୋଗାଇବାକୁ ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଘୋଷଣା ଅନୁସାରେ, ଅନଲାଇନ ସର୍ଭିସ୍ ଅବା କମନ୍ ସର୍ଭିସ ସେଂଟର କିମ୍ବା ଡୋର୍ ଡେଲିଭରୀ ଜରିଆରେ ଲୋକଙ୍କୁ ସରକାରୀ ବ୍ୟବସ୍ଥାର ସୁଫଳ ମିଳିପାରିବ । ସେହିଭଳି ଏପ୍ରିଲ ୧ରୁ ବ୍ୟାଙ୍କ ଜରିଆରେ ସମସ୍ତ ଭତ୍ତା ପ୍ରଦାନ କରିବାକୁ ମଧ୍ୟ ରାଜ୍ୟ ସରକାର ନିଷ୍ପତ୍ତି ଗ୍ରହଣ କରିଛନ୍ତି । ଆସନ୍ତା ମାର୍ଚ୍ଚ ୫ ସୁଦ୍ଧା ସମସ୍ତ ସରକାରୀ ବିଭାଗକୁ ମୋ ସରକାର ଅଧୀନକୁ ଆଣିବାକୁ ରାଜ୍ୟ ସରକାର ଟାର୍ଗେଟ ରଖିଛନ୍ତି । ଫାଇଭ୍-ଟି ଆଧାରରେ ନୂଆ ରୂପରେ ନେବ ରାଜ୍ୟର ପ୍ରଶାସନିକ କାମ । ଫଳରେ ସରକାରୀ କାର୍ଯ୍ୟ ପାଇଁ ଲାଇନ ଲଗାଉଥିବା ଲୋକଙ୍କୁ ଏଥିରୁ ମୁକ୍ତି ମିଳିବ ବୋଲି ଅନୁମାନ କରାଯାଉଛି ।