କମିବ ପିଏଫ ଆକାଉଂଟଧାରୀଙ୍କ ସୁଧହାର! ପ୍ରଭାବିତ ହେବେ ୫କୋଟି ଲୋକ
କନକ ବ୍ୟୁରୋ : ପିଏଫ ଆକାଉଂଟଧାରୀଙ୍କ ପାଇଁ ଦୁଃଖ ଖବର । ଚଳିତ ଆର୍ଥିକ ବର୍ଷରୁ ପିଏଫ ଆକାଉଂଟଧାରୀଙ୍କ ଜମା ରାଶିଉପରେ ସୁଧାହାର କମିପାରେ । ନଭେମ୍ବରରେ କର୍ମଚାରୀ ଭବିଷ୍ୟନିଧି ସଂଗଠନର ବୈଠକ ବସିବ । ଏହି ବୈଠକରେ ଚଳିତ ଆର୍ଥିକ ବର୍ଷର ପିଏଫରେ ଜମା ରାଶି ଉପରେ ସୁଧ ହାର ସମ୍ପର୍କିତ ନିଷ୍ପତ୍ତି ନିଆଯିବ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗୱାରଙ୍କ ଅଧ୍ୟକ୍ଷତାରେ ହେବାକୁ ଥିବା ବୈଠକରେ ସିବିିଟି ଜମା ରାଶି ଉପରେ ସୁଧପ୍ରଦାନ ସମ୍ପର୍କିତ ନିଷ୍ପତ୍ତି ନେବେ । କର୍ମଚାରୀ ଭବିଷ୍ୟନିଧି ସଂଗଠନର ବା ଇପିଏଫଓରେ, ସମସ୍ତ ନିଷ୍ପତ୍ତି ନେବାର କ୍ଷମତା ସିବିଟିର ରହିଛି । ବର୍ତମାନ ଇପିଏଫଓର ୫କୋଟି ସଦସ୍ୟ ଅଛନ୍ତି ।
ଇକୋମିକ୍ସ ଟାଇମ୍ସର ରିପୋର୍ଟ ଅନୁସାରେ, ନଭେମ୍ବର ୨୩ରେ ହେବାକୁ ଥିବା ବୈଠକରେ ଫିସକାଲ ବର୍ଷ ୨୦୧୭-୧୮ ପାଇଁ ସୁଧାହାର ସମ୍ପର୍କିତ ନିଷ୍ପତ୍ତି ନିଆଯିବ । ସୁଧାହାର ୮.୫ ପ୍ରତିଶତକୁ ଖସିପାରେ । ୨୦୧୬-୧୭ ଆର୍ଥିକ ବର୍ଷରେ ସିବିଟି ଜମାରାଶି ଉପରେ ସୁଧହାର ୮.୬୫ ପ୍ରତିଶତକୁ କମାଇଥିଲା । ସେହିପରି ୨୦୧୫-୧୬ ଆର୍ଥିକ ବର୍ଷରେ ଜମାରାଶି ଉପରେ ସୁଧହାର ଥିଲା ୮.୮ ପ୍ରତିଶତ ।