ପରଲୋକରେ ବଲିଉଡ ଅଭିନେତ୍ରୀ ରିମା ଲାଗୁ !
ବଲିଉଡ ଅଭିନେତ୍ରୀ ରିମା ଲାଗୁଙ୍କ ଆଜି ସକାଳେ ମୁମ୍ବାଇରେ ପରଲୋକ ହୋଇଯାଇଛି । ୫୯ ବର୍ଷ ବୟସରେ ହୃଦଘାତରେ ତାଙ୍କର ପରଲୋକ ହୋଇଛି । ଖରାପ ସ୍ୱାସ୍ଥ୍ୟ କାରଣରୁ ତାଙ୍କୁ ମୁମ୍ବାଇର ଏକ ଘରୋଇ ହସପିଟାଲରେ ଭର୍ତି କରାଯାଇଥିଲା । ବଲିଉଡର ଅନେକ ହିଟ ଫିଲ୍ମରେ ମା ଭୂମିକାରେ ଅଭିନିୟ କରି ସେ ଚର୍ଚାରେ ଥିଲେ । ମୈନେ ପ୍ୟାର କିଆ, ସାଜନ, ହମ ସାଥ ସାଥ ହୈ, ହମ ଆପକେ ହେ କୌନ ଓ ଆଶିକି ଭଳି ଅନେକ ହିଟ ଫିଲ୍ମରେ ସେ ଅଭିନୟ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଶ୍ରୀମାନ ଶ୍ରୀମତୀ ଜୀ, ତୁ ତୁ ମେଁ ମେଁ ଭଳି ଧାରାବାହିକରେ ରିମା ଲାଗୁ ନିଜ ଅଭିନୟର ଛାପ ଛାଡିଯାଇଛନ୍ତି । ଅନେକ ମରାଠୀ ଫିଲ୍ମରେ ବି ରିମା ଲାଗୁ ଅଭିନୟ କରିଥିଲେ । ୧୯୫୮ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ ରିମା ଲାଗୁ । ପରେ ସେ ମରାଠୀ ଥିଏଟରରେ ସକ୍ରିୟ ହୋଇଥିଲେ । ହମ ଆପେକ ହେ କୌନ, ୟେ ଦିଲ୍ଲଗୀ, ଦିଲ୍ଲୱାଲେ, କୁଛ କୁଛ ହୌତା ହେ ଓ କଲ ହୋ ନା ହୋ’ରେ ରିମା ଲାଗୁ ସ୍ମରଣୀୟ ଭୂମିକା କରିଥିଲେ ।