ସଲମାନଙ୍କୁ ରିପ୍ଲେସ କଲେ ବରୁଣ ! ପୁଣି ଏକ ସିନେମାରେ ଆସିବେ ନଜର
ସଲମାନ ଖାନଙ୍କ ଅଭିନିତ ସିନେମା ‘ଜୁଡୱା’ର ସିକ୍ୱଲରେ ଧୂମ ମଚେଇଥିବା ବରୁଣ ଧାୱନ ବଲିଉଡର ‘ଭାଇଜାନ’ଙ୍କର ଆଉ ଏକ ସିନେମାକୁ ହାତେଇଛନ୍ତି । ଯଦି ସଲମାନ ଏହି ସିନେମାରେ ନଜର ଆସିଥାନ୍ତେ ତେବେ ଏହା ସଲମାନଙ୍କର ପ୍ରଥମ ଡ୍ୟାସିଙ୍ଗ ସିନେମା ହୋଇଥାନ୍ତା । ଏବେ ଏହି ସିନେମାର ନିର୍ଦ୍ଦେଶକ ସଲମାନଙ୍କ ବଦଳରେ ବରୁଣଙ୍କୁ ନେବା ପାଇଁ ଠିକ୍ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋରିଓଗ୍ରାଫିରୁ ଫିଲ୍ମମେକିଙ୍ଗରେ ନିଜର ସ୍ୱତନ୍ତ୍ର ସ୍ଥାନ ବଜାଇ ରଖିଥିବା ରେମୋ ଡିସୁଜା ‘ଏବିସିଡି’ ପରି ଆଉ ଏକ ସିନେମା ନିର୍ମାଣ କରିବାକୁ ପ୍ରସ୍ତୁତି ଚଲାଇଛନ୍ତି । ଏହି ସିନେମାର ପୁରା କାହାଣୀ ଜଣେ ବାପାଙ୍କ ଉପରେ ଆଧାରିତ ଯେ ନିଜର ୯ ବର୍ଷର ଝିଅକୁ ଡ୍ୟାନ୍ସ ପ୍ରତିଯୋଗୀତା ପାଇଁ ପ୍ରସ୍ତୁତ କରାଉଛନ୍ତି ।
ରେମୋ ଡିସୁଜା ‘ରେସ୍ ୩’ର ଷ୍ଟାରଙ୍କୁ ନିଜ ସିନେମାରେ ନେବାପାଇଁ ଚାହୁଁଥିଲେ । ଯେଉଁଥିପାଇଁ ସେ ସଲମାନଙ୍କ ନାମକୁ ଏଥିପାଇଁ ପକ୍କା କରିଥିଲେ । କିନ୍ତୁ ସଲମାନଙ୍କୁ ଲାଗୁଛି ଯେ, ସେ ଏହି ବୟସରେ ଡ୍ୟାନ୍ସ ଉପରେ ଆଧାରିତ ସିନେମାରେ କାମ କରିବା ଉଚିତ୍ ହେବାନି ତେଣୁ ସେ ସିନେମାଟିକୁ ସାଇନ କରିବା ପାଇଁ ମନା କରିଦେଇଥିଲେ ।
ଏବେ ରେମୋ ‘ଏବିସିଡି ୨’ ଫିଲ୍ମର ହିରୋ ଓ ବି-ଟାଉନର ବିସ୍ମୟକର ଡ୍ୟାନ୍ସର୍ସମାନଙ୍କ ମଧ୍ୟରୁ ବରୁଣ ଧୱନଙ୍କୁ ହିଁ ଏହି ସିନେମା ପାଇଁ ଚୟନ କରିଥିଲେ । କୁହାଯାଉଛି ଯେ, ଅଫର ମିଳିବା ପରେ ବରୁଣ ଖୁସି ଖୁସି ଏହାକୁ ସ୍ୱୀକାର କରିଥିଲେ । ଏବେ ଏହି ସିନେମାଟିରେ ସଲମାନଙ୍କ ଜାଗାରେ ବରୁଣଙ୍କୁ ଦେଖିବାକୁ ମିଳିବ ।