ବିବାହ ପୂର୍ବରୁ ଟୁଇଙ୍କିଲ ରଖିଥିଲେ ଅଜବ ସର୍ତ ! ଅକ୍ଷୟଙ୍କ ସହିତ ସବୁକିଛି କରିବେ ସେୟାର କିନ୍ତୁ ଗୋଟିଏ ଜିନିଷ ନୁହେଁ
କିଛି ଦିନ ହେଲା ଅକ୍ଷୟ କୁମାର ନିଜ ସିନେମା ‘ଟଏଲେଟ୍ ଏକ ପ୍ରେମ କଥା’ର ପ୍ରମୋସନକୁ ନେଇ ଖୁବ୍ ବ୍ୟସ୍ତ ଅଛନ୍ତି । ଅକ୍ଷୟ କୁମାରଙ୍କ ପତ୍ନୀ ଟୁଇଙ୍କିଲ୍ ଖନ୍ନା ମଧ୍ୟ ନିଜ ଅନ୍ଦାଜରେ ସ୍ୱାମୀଙ୍କ ସିନେମାର ପ୍ରମୋସନରେ ଏକପ୍ରକାରେ ଲାଗି ପଡିଛନ୍ତି । ଟୁଇଙ୍କିଲ୍ ନିଜ ବ୍ଲଗରେ ନିଜର ଏବଂ ଅକ୍ଷୟଙ୍କ ବିବାହ ସହ ଜଡିତ ଗୋଟିଏ ପ୍ରସଙ୍ଗ ଉପରେ ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟୁଇଙ୍କିଲ୍ ଲେଖିଛନ୍ତି, ‘ବିବାହ ସମୟରେ ମୁଁ ଅକ୍ଷୟଙ୍କୁ ଗୋଟିଏ କଥା ପୁରା ସ୍ପଷ୍ଟ କରିଦେଇଥିଲି କି ମୁଁ ତୁମ ସହିତ ମୋର ସମସ୍ତ ଜିନିଷ ସେୟାର କରିବାକୁ ରାଜି ଅଛି । ମୁଁ ମୋର ହୃଦୟ, ଶରୀର ଓ ଜୀବନ ସବୁକିଛି ତୁମଠାରେ ସେୟାର କରିବି । ଏପରିକି ମୋର ଖାଦ୍ୟ ପର୍ଯ୍ୟନ୍ତ ବି ସେୟାର କରିବି କିନ୍ତୁ କେବେ ନିଜର ଟଏଲେଟ୍ ତୁମ ସହ ସେୟାର କରିବି ନାହିଁ ’।
ତେବେ ଟଏଲେଟ୍ ସେୟାର ନକରିବାର କାରଣ ବି ଟୁଇଙ୍କିଲ୍ ତାଙ୍କ ଏହି ବ୍ଲଗରେ ସ୍ପଷ୍ଟ କରିଛନ୍ତି । ସେ ଲେଖିଛନ୍ତି, ଅନେକ ବର୍ଷ ତଳେ ଜଣେ ଯୁବତୀଙ୍କୁ ଶୌଚ ପାଇଁ ଦୀର୍ଘ ସମୟ ଧରି ଲାଇନରେ ଠିଆ ହେବାକୁ ପଡିଥିଲା ଏବଂ ଯୁବତୀ ଜଣକ ଶେଷରେ ନିଜ ପସନ୍ଦିଆ ରେସମ ପୋଷାକ ଉପରେ ହିଁ ଶୌଚ ପକାଇ ଥିଲେ ।
ଏହି ଘଟଣା ପରଠାରୁ ଟୁଇଙ୍କିଲଙ୍କୁ ସ୍ୱଚ୍ଛ ଭାରତ ଅଭିଯାନ ଆରମ୍ଭ କରିବା ପାଇଁ ପ୍ରେରିତ କରିଥିଲା । ଏହାପରେ ସେ କିଛି ମହିଳାବନ୍ଧୁଙ୍କୁ ସାଥିରେ ଧରି ଲାଲ୍ ରଙ୍ଗର ମାର୍କର କଲମରେ ଚାରୋଟି ବୋର୍ଡ ତିଆରି କରିଥିଲେ ଏବଂ ସେଥିରେ ଲେଖିଥିଲେ –ବିଏସସି : ଅଧିକ ଶୌଚାଳୟ ତିଆରି କରନ୍ତୁ ।
ଏଠାରେ ଆମେ କହିରଖୁଛୁ କି, ଅକ୍ଷୟ କୁମାରଙ୍କ ଆଗାମୀ ସିନେମା ‘ଟଏଲେଟ୍ ଏକ ପ୍ରେମ କଥା’ର କାହାଣୀ କେଶବ ଏବଂ ଜୟାଙ୍କ ପ୍ରେମ କାହାଣୀକୁ ନେଇ ନିର୍ମିତ । ଯେଉଁଥିରେ କେଶବ ଚରିତ୍ରରେ ଅକ୍ଷୟ କୁମାର ଅଭିନୟ କରିଥିବା ବେଳେ ଜୟା ଚରିତ୍ରରେ ଅଛନ୍ତି ଭୂମି । ସିନେମାରେ ଜୟା ଏବଂ କେଶବଙ୍କ ବିବାହ ତ ହୋଇଯାଏ କିନ୍ତୁ ଘରେ ଶୌଚାଳୟ ନଥିବାରୁ ଜୟା କେଶବକୁ ଛାଡି ଚାଲିଯାଏ । ଏହାବ୍ୟତୀତ୍ କାହାଣୀରେ ଆହୁରି ରଙ୍ଗ ଢାଳିବା ପାଇଁ ଅନେକ ମଜାଳିଆ ଚରିତ୍ରଗୁଡିକୁ ମଧ୍ୟ ଦର୍ଶକେ ଦେଖିବାକୁ ପାଇବେ ।
ସୌଜନ୍ୟ-ଏନଡିଟିଭି ନ୍ୟୁଜ୍