ବଲିଉଡରେ ରୋମାନ୍ସର ରାଣୀ ! କେତେବେଳେ ବାପାଙ୍କ ସହ ତ ପୁଣି କେତେବେଳେ ପୁଅ
ଅମୃତା ସିଂ,
Kanak News is now on WhatsApp
Join and get latest news updates delivered to you via WhatsApp
ଅମୃତା ସିଂ ସିନେମା ‘ବେତାବ’ରୁ ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ । ଏହି ସିନେମାରେ ଅମୃତାଙ୍କ ସହିତ ସନ୍ନୀ ଦେଓଲ ନଜର ଆସିଥିଲେ । ତେବେ ବଡ କଥା ହେଲା, ଏହି ସିନେମାଟି ପରଦାକୁ ଆସିବାର ମାତ୍ର ୬ ବର୍ଷ ପରେ ଅମୃତା ସନ୍ନୀଙ୍କ ବାପା ଧର୍ମେନ୍ଦ୍ରଙ୍କ ସହ ‘ସଚ୍ଚାଇ କି ତାକତ୍’ ସିନେମାରେ ତାଙ୍କ ପତ୍ନୀ ଭୂମିକାରେ ନଜର ଆସିଥିଲେ ।
ଡିମ୍ପଲ କପାଡିଆ,
ଅଭିନେତ୍ରୀ ଡିମ୍ପଲ କପାଡିଆ ‘ବଟୱାରେ’ ଏବଂ ‘ଶେହେଜାଦେ’ ଆଦି ସିନେମାରେ ଧର୍ମେନ୍ଦ୍ରଙ୍କ ସହ ରୋମାନ୍ସ କରିଥିବାର ଝଲକ ଦେଖିବାକୁ ମିଳିଥିଲା । ସେହିପରି, ଆଗ୍ କା ଗୋଲା ଏବଂ ଅର୍ଜୁନ ଆଦି ସିନେମାରେ ଡିମ୍ପଲ ଧର୍ମେନ୍ଦ୍ରଙ୍କ ପୁଅ ସନ୍ନୀଙ୍କ ସହ ମଧ୍ୟ ରୋମାନ୍ସ କରିଥିବାର ନଜର ଆସିଥିଲେ ।
ହେମା ମାଳୀନି,
ଡ୍ରିମ୍ ଗର୍ଲ ହେମା ମାଳୀନି, ମଧ୍ୟ ଉଭୟ ବାପ ପୁଅଙ୍କ ସହ ରୋମାନ୍ସ କରି ସାରିଛନ୍ତି । ସିନେମା ‘ସପ୍ନୋ କା ସୌଦାଗର’ରେ ହେମାଙ୍କ ନାୟକ ସାଜିଥିଲେ ରାଜ କପୁର । ତେବେ ଏହି ସିନେମା ଆସିବାର କିଛି ବର୍ଷ ପରେ ହେମା ସିନେମା ‘ହାତ୍ କି ସଫାଇ’ରେ ରାଜ କପୁରଙ୍କ ବଡ ପୁଅ ରଣଧୀର କପୁରଙ୍କ ସହ ମଧ୍ୟ ରୋମାନ୍ସ କରିଥିବାର ନଜର ଆସିଥିଲେ ।
ଶ୍ରୀଦେବି,
ଶ୍ରୀଦେବି ନିଜ ଅଭିନୟ କ୍ୟାରିୟର ଧର୍ମେନ୍ଦ୍ରଙ୍କ ସହିତ ଆରମ୍ଭ କରିଥିଲେ । ସେ ତାଙ୍କ ସହ ଅନେକ ସିନେମା କରିସାରିଛନ୍ତି । ମାତ୍ର କିଛି ସିନେମାରେ ମଧ୍ୟ ତାଙ୍କୁ ସନ୍ନୀଙ୍କ ସହ ରୋମାନ୍ସ କରିଥିବାର ଦୃଶ୍ୟ ଦେଖିବାକୁ ମିଳିଛି ।
ମାଧୁରୀ ଦୀକ୍ଷିତ,
ମାଧୁରୀ ସିନେମା ‘ଦୟାବାନ’ରେ ଅଭିନେତା ବିନୋଦ ଖନ୍ନାଙ୍କ ରୋମାନ୍ସ କରିଥିଲେ । ଯାହାର କିଛି ଅଶ୍ଳୀଳ ଦୃଶ୍ୟକୁ ନେଇ ମଧ୍ୟ ଅନେକ ବିବାଦ ସୃଷ୍ଟି ହୋଇଥିଲା । ଏହାପରେ ମାଧୁରୀ ବିନୋଦଙ୍କ ପୁଅ ଅକ୍ଷୟ ଖନ୍ନାଙ୍କ ସହ ମଧ୍ୟ ସିନେମାରେ ନଜର ଆସି ସାରିଛନ୍ତି । ସିନେମା ‘ମୋହବତ’ରେ ମାଧୁରୀ ଅକ୍ଷୟ ଖନ୍ନାଙ୍କ ସହ କାମ କରିଥିଲେ । ଏହାଛଡା ‘ପ୍ରେମଗ୍ରନ୍ଥ’ରେ ମାଧୁରୀ ଋଷି କପୁରଙ୍କ ସହ ନଜର ଆସିଥିବାବେଳେ ସିନେମା ‘ସାବରିୟା’ରେ ଋଷିଙ୍କ ପୁଅ ରଣବୀର କପୁରଙ୍କ ସହ ମଧ୍ୟ କାମ କରିସାରିଛନ୍ତି ।