ପୁଣି ଥରେ ଏକାଠି ହୋଇପାରନ୍ତି ଦୁଇ କମେଡିଆନ । କପିଲଙ୍କ ନୂଆ ସୋ’ରେ ନଜର ଆସିପାରନ୍ତି ସୁନୀଲ
କପିଲ ଶର୍ମାଙ୍କ ନୂଆ ସୋ ‘ଫ୍ୟାମେଲି ଟାଇମ’କୁ ନେଇ ଚର୍ଚ୍ଚା ଜାରି ରହିଛି । ଖବର ଆସିଛି କି, ସୁନୀଲ ଗ୍ରୋଭର ପୁଣିଥରେ ସୋ’ରେ ଭାଗ ନେଇପାରନ୍ତି । କିନ୍ତୁ ଅପରପକ୍ଷେ, ସୁନୀଲ ଏହାକୁ ଖଣ୍ଡନ କରିଛନ୍ତି । ନିକଟରେ ମୁମ୍ବାଇର ଏକ କାର୍ଯ୍ୟକ୍ରମରେ ସୁନୀଲ ନିଜେ ଏହି ବିଷୟରେ ସୂଚନା ଦେଇଛନ୍ତି । କପିଲ ଶର୍ମାଙ୍କ କମେଡିରେ ଚାରଚାନ୍ଦ ଲଗାଉଥିବା ସୁନୀଲ ଗ୍ରୋଭର ଗଣମାଧ୍ୟମଙ୍କ ସହିତ କଥାବାର୍ତା ହେଉଥିଲା ବେଳେ କହିଛନ୍ତି କି, କପିଲ ଶର୍ମାଙ୍କ ନୂଆ ସୋ ‘ଫ୍ୟାମେଲି ଟାଇମ’ରେ ସେ ଅଂଶ ଗ୍ରହଣ କରୁନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଶ୍ଚର୍ଯ୍ୟକର କଥା ଏହା କି, ନିକଟରେ କପିଲ ଶର୍ମା କହିଥିଲେ କି, ସେ ସୁନୀଲ ଗ୍ରୋଭରଙ୍କ ସମେତ କାମ କରିବାକୁ ପ୍ରସ୍ତୁତ ହେଉଛନ୍ତି । ଏବେ କିନ୍ତୁ ସୁନୀଲ ଗ୍ରୋଭର ଉପରେ ନିର୍ଭର କରାଯାଉଛି କି, ସେ କପିଲଙ୍କ ସୋ’ରେ ପୁଣିଥରେ କାମ କରିବାକୁ ଆଗ୍ରହ ପ୍ରକାଶ କରୁଛନ୍ତି କି ନାହିଁ । ତେବେ ଏହି ବିବାଦକୁ ନେଇ କପିଲ ଶର୍ମା କହିଛନ୍ତି କି, ‘ଏହି ପ୍ରଶ୍ନ ଆପଣ ସୁନୀଲ ଗ୍ରୋଭରଙ୍କ ପଚାରିବାକୁ ପଡିବ । ମୁଁ ତ ଆପଣଙ୍କୁ ୫୦ ଥର କହି ସାରିଲିଣି ମୋତେ ସୁନୀଲଙ୍କ ସହ କାମ କରିବାକୁ କିଛି ଅସୁବିଧା ନାହିଁ । ଏହା ସୁନୀଲ ହାତରେ ରହିଛି, ସେ ମୋ ସହିତ କାମ କରିବାକୁ ଚାହିଁବେ କି ନାହିଁ ।’
ଏଠାରେ ଆମେ କହି ରଖୁଛୁ କି, କପିଲ ଶର୍ମା ଓ ସୁନୀଲ ଗ୍ରୋଭର ଅଷ୍ଟ୍ରେଲିଆର ଏକ ସୋ କାମ ଶେଷ କରି ଫେରୁଥିଲା ବେଳେ ଉଡାଜାହାଜରେ ଦୁଇ ଜଣଙ୍କ ମଧ୍ୟରେ ମତାନ୍ତର ହୋଇଥିଲା । କିନ୍ତୁ ଏହି ବାବଦରେ କପିଲ ଶର୍ମାଙ୍କୁ ପଚାରିବେଳକୁ ସେ କହିଥିଲେ କି, ସୁନୀଲଙ୍କ ସହ ତାଙ୍କର ଝଗଡା ହୋଇନଥିଲା ବରଂ ବିବାଦ ଅନ୍ୟ ଜଣଙ୍କ ସହିତ ହୋଇଥିଲା । ତେବେ ସୁନୀଲ ମଧ୍ୟ ଏହି ବାବଦରେ କୌଣସି ସ୍ପଷ୍ଟ ସୂଚନା ଦେଇନଥିଲେ ।