ବିଜ୍ଞାପନ କରି ଫସିଗଲେ କିଙ୍ଗ୍ ଖାନ ! କୋର୍ଟରେ ହାଜର ହେବାକୁ ଜାରି ହେଲା ନୋଟିସ୍
ଏକ ‘ସେଭିଂ କ୍ରିମ’ର ବିଜ୍ଞାପନକୁ ନେଇ କିଙ୍ଗ୍ ଖାନଙ୍କ ନାଁରେ ନୋଟିସ୍ । ଭୋପାଳର ଏକ ସ୍ଥାନୀୟ ଅଦାଲତ ଅଭିନେତା ଶାହରୁଖ ଖାନଙ୍କୁ ଏହି ନୋଟିସ ଜାରି କରିଛି । ବିଶେଷ ନ୍ୟାୟାଧିଶ କାଶୀନାଥ ସିଂହ ଗତ ସୋମବାର ଏକ ଅଭିଯୋଗ ଉପରେ ରାୟ ଶୁଣାଣି କରିବାକୁ ଯାଇ ଶାହରୁଖଙ୍କ ସମେତ ଅନ୍ୟ ଚାରି ଜଣଙ୍କୁ ମଧ୍ୟ ନୋଟିସ୍ ଜାରି କରିଛନ୍ତି । ଯେଉଁଥିରେ ସମସ୍ତଙ୍କୁ ୨୬ ଅଗଷ୍ଟରେ ଅଦାଲତରେ ନିଜର ପକ୍ଷ ରଖିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗକାରୀ ରାଜକୁମାର ପାଣ୍ଡେ ନିଜର ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି କି, ‘ଶାହରୁଖ ଖାନ୍ ଏକ ସେଭିଂ କ୍ରିମର ବିଜ୍ଞାପନ କରିଛନ୍ତି । ଯେଉଁଥିରେ ସେ ଲୋକଙ୍କୁ ପ୍ରଲୋଭନ ଦେଖାଇବାକୁ ଯାଇ ଉକ୍ତ କ୍ରିମକୁ ଦେଶର ନମ୍ବର ୱାନ୍ ବୋଲି କହିଛନ୍ତି’ ।
ସୂଚନା ମୁତାବକ, ଲୋକ ଅଦାଲତର ନ୍ୟାୟାଧିଶ କାଶୀନାଥ ସିଂହଙ୍କ ନିକଟରେ ଅଭିଯୋଗକାରୀ ଶ୍ରୀଯୁକ୍ତ ପାଣ୍ଡେଙ୍କ ପକ୍ଷରୁ ଦିଆଯାଇଥିବା ଆବେଦନ ପତ୍ରରେ କୁହାଯାଇଛି କି, ଏହି କ୍ରିମକୁ ଲଗାଇବା ଦ୍ୱାରା ତାଙ୍କ (ପାଣ୍ଡେଞ୍ଜ) ମୁହଁରେ ଛାଲ ପଡିଯାଇଥିଲା । ଯାହାର ଚିକିତ୍ସା ସେ ଡାକ୍ତରଖାନାରେ କରାଇଥିଲେ । ଅଭିଯୋଗକାରୀ ଶ୍ରୀଯୁକ୍ତ ପାଣ୍ଡେଙ୍କ କହିବା କଥା ହେଲା, ‘ମୁଁ ଏହି କ୍ରିମର ଯାଂଚ ମଧ୍ୟପ୍ରଦେଶର ଫ୍ରୁଡ ଆଣ୍ଡ୍ ଡ୍ରଗ ବିଭାଗରେ କରାଇଥିଲି ଏବଂ ରିପୋର୍ଟ ଏହି କ୍ରିମଟି ଅତି ନିମ୍ନମାନର ବୋଲି ଦର୍ଶାଯାଇଛି’ ।
ଶ୍ରୀଯୁକ୍ତ ପାଣ୍ଡେ ଆହୁରି ମଧ୍ୟ କହିଛନ୍ତି, ‘ମୁଁ ଏହି ରିପୋର୍ଟକୁ କୋର୍ଟରେ ବି ଦାଖଲ କରିଛି । କୋର୍ଟ ଶାହରୁଖ ଖାନ, ମଧ୍ୟପ୍ରଦେଶ ଫୁଡ ଆଣ୍ଡ୍ ଡ୍ରଗ ବିଭାଗର ନିୟନ୍ତ୍ରକ, ଜଣେ ସ୍ଥାନୀୟ ଦୋକାନୀର ମାଲିକ ଏବଂ ସେହି କଂପାନୀର ମାଲିକ ତଥା ଚାରି ଜଣଙ୍କ ନିକଟକୁ ନୋଟିସ୍ ପଠାଇଛନ୍ତି । ଏଠାରେ ଆମେ କହିରଖୁଛୁ କି, ଶାହରୁଖ ଖାନ୍ ଏବେ ନିଜର ସିନେମା ‘ଜବ୍ ହ୍ୟାରୀ ମେଟ ସେଜଲ୍’ର ପ୍ରମୋସନକୁ ନେଇ ବ୍ୟସ୍ତ ଅଛନ୍ତି । ସିନେମାଟି ଅଗଷ୍ଟ ୪ରେ ପରଦାକୁ ଆସିବ ।
ସୌଜନ୍ୟ: ହିନ୍ଦୁସ୍ତାନ ଟାଇମ୍ସ