ଜାତୀୟ ମଂଚରେ ଓଡିଆ ପୁଅ ସତ୍ୟଜିତ୍ ! ଆପଣଙ୍କ ଗୋଟିଏ ଭୋଟ୍ ଓଡିଶାକୁ କରିବ ଗର୍ବିତ
ଜିଟିଭର ରିଆଲିଟି ଶୋ ସାରେଗାମାପା ଲିଟଲ ଚାମ୍ପସର ସ୍ୱରର ମହାସଂଗ୍ରାମରେ ନିଜକୁ ସାମିଲ କରିଛନ୍ତି ସତ୍ୟଜିତ । ଆନନ୍ଦପୁର ଅନ୍ତର୍ଗତ ଏକ ଛୋଟ ଗାଁ ତୁରାରୁ ମହାନଗରୀ ମୁମ୍ବାଇର ଯାତ୍ରା ଯେତିକି ରୋଚକ ସେତିକି ଅଧ୍ୟବସାୟପୂର୍ଣ୍ଣ । ବାପା ଗୁମାନ ଚରଣ ଜେନାଙ୍କର ଏକ ଅର୍କେଷ୍ଟ୍ରା ପାର୍ଟି ରହିଛି । ତେଣୁ ପିଲାଦିନୁ ଘରେ ସାଙ୍ଗୀତିକ ପରିବେଶ ଭିତରେ ବଢିଛନ୍ତି ସତ୍ୟଜିତ । ତେବେ ନିଜର ସୁମଧୁର ସ୍ୱରରେ ସାଧାରଣ ଜନତାଙ୍କ ସମେତ ବିଚାରକ ହିମେଶ ରେଶମିୟା, ନେହା କାକର ଏବଂ ଜାଭେଦ ଅଲ୍ଲୀଙ୍କର ମଧ୍ୟ ହୃଦୟ ଜିତି ପାରିଛନ୍ତି ସତ୍ୟଜିତ୍ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମର ଏହି ଆଲୋଚନାର ଉର୍ଦ୍ଦେଶ୍ୟ ହେଲା, ଏହି କୁନି ଓଡିଆ ପୁଅର ଭାଗ୍ୟ ଏବେ ଜନତାଙ୍କ ହାତରେ । କାରଣ ଏହି ସୋରେ ନିଜର ସ୍ଥିତି ବଜାୟ ରଖିବା ସହ ସଫଳତା ହାସଲ କରିବାକୁ ହେଲେ ଜନତାଙ୍କ ଭୋଟିଂ ରହିଛି ଗୁରୁତ୍ୱପୂର୍ଣ୍ଣ । ତେଣୁ ସତ୍ୟଜିତଙ୍କୁ ଭୋଟ କରିବା ପାଇଁ ମୋବାଇଲ୍ ମେସେଜ୍ ବକ୍ସକୁ ଯାଇ ‘ଏସଆରଜିଏମପି’ ସ୍ପେସ୍ ଦେଇ ଏସଏଟି ଟାଇପ୍ କରିବା ପରେ ଏହାକୁ ୫୭୫୭୫ରେ ପଠାଇ ଦେବାକୁ ଅନୁରୋଧ କରିଛନ୍ତି ସତ୍ୟଜିତ ।
ତେବେ ଏହି ଭୋଟିଂ ପ୍ରକ୍ରିୟା ରବିବାର ରାତି ୯ଟାରୁ ମଙ୍ଗଳବାର ସକାଳ ୧୦ଟା ଯାଏଁ ଖୋଲା ରହିବ । ଗୋଟିଏ ମୋବାଇଲ ଫୋନରୁ ମଧ୍ୟ ଏକାଧିକ ମେସେଜ୍ ପଠାଇପାରିବେ । ତେବେ ଶୁଭେଚ୍ଛା ସହ ଏସଏମଏସ୍ ତାଙ୍କ ସଫଳତାର ରାସ୍ତାକୁ ନିଶ୍ଚୟ ସହଜ କରିପାରିବ ବୋଲି ଆଶା ରଖିଛନ୍ତି ସତ୍ୟଜିତ୍ ।